türkiyede köchmenlerning sani yildin-yilgha awumaqta
türkiye statistika idarisi türkiyede köchmenlerning sanining yildin-yilgha köpiyiwatqanliqini bildürdi.
türkiye awazi radiyosi xewiri: türkiyege köchkenlerning sani bulturqigha qarighanda %22.4 ashti.
türkiye statistika idarisi bulturqi «xelqara köch uchur-melumatliri»ni élan qildi.
türkiye statistika idarisi teripidin tunji qétim resmiy uchur-melumatlargha asasen élan qilinghan melumatlargha asaslanghanda, türkiyege köchkenlerning sani bulturqigha sélishturghanda %22.4 éship 466ming 333 kishi bolghan we bularning %53.2ni erler, %47.7sini ayallar teshkil qilidiken.
bultur türkiyege köchkenlerning yéshi nezerge élinghinida 25yashtin 29 yashqiche bolghanlar %12.3ni, 20yashtin 24 yashqiche bolghanlar %11.6ni, 30yashtin 34 yashqiche bolghanlar %10.8ni teshkil qilidiken.
istanbulgha bultur 166ming 44 köchmen, enqerege 46ming 475 köchmen, antaliyege 21888 köchmen, izmirgha 12310 köchmen, bursagha 11191 köchmen olturaqlashqan.
bultur türkiyege köchken chet ellikler ichide iraqliqlar %26.6ni, afghanistanliqlar %10.4ni, süriyelikler %7.7ni, ezerbeyjanliqlar %5.7, türkmenistanliqlar %5.6 teshkil qilidiken.
