erdoghan, 6 – nöwetlik türk kéngishi bashliqlar yighini» gha shitirak qildi

türkiye awazi radiyosi xewiri: jumhur reis erdoghan qirghizistandiki ziyariti dairiside tünügün ruh ordo medeniyet merkizide qirghizistan pirézidénti sooronbay jéénbékowning sahibxanliqida bishkekte ötküzülgen «6 – nöwetlik türk kéngishi bashliqlar yighini» gha shitirak qildi.

erdoghan yighinda ishtirakchilarni birlik we barawerlik ornitishqa chaqirip, «yéqinqi mezgillerde buyan xelqara qaide, pirinsip we belgilimiler biperwalarche depsende qilinghan bir jeryanni bashtin kechürgenlikimiznimu epsuslinish ichide eskertip ötüshni xalaymen» dédi.

bezi döletlerning xelqaraliq mesililerni hel qilishta diplomatiye, diyalog we köp tereplimilikke tayinishning ornigha tehdit, bésim we pursetpereslikni aldinqi pilangha chiqirishqa tirishiwatqanliqini tekitligen erdoghan, «soda cheklimiliri, tamozhna bajliri we émbargolargha oxshash wasitiler yüzisidin uzun yillarning mehsuli bolghan kélishimler birdinla qimmitini yoqitip qoymaqta» dégenlerni qeyt qildi.

türkiyening xelqara jemiyet bilen hemkarliq ornatqan asasta diyalogni, diplomatiyeni, adaletni we qanunni himaye qilishni dawamlashturidighanliqini bildürgen erdoghan, «türk döletliri bolush süpitimiz bilen bizning hemkarliqimiz xelqara tüzümning adilliq bilen ijra qilinishighimu hesse qoshidu» dédi.

erdoghan, xelqara sodidiki dollargha bolghan béqindiliq toghrisida toxtilip, «öz pul birliklirimizni ishlitip soda qilish yoligha merkezlishish teklip qilimiz» dédi.

fethullahchi térrorluq teshkilatining bir mezgil türkiyede qilghinigha oxshash dunyaning herqaysi jaylirida maarip orunlirini wasite qilip teshkillengenlikini tilgha alghan erdoghan sözini dawamlashturup, «bizning bashtin kechürgenlirimiz, fethullahchi térrorluq teshkilatigha qarshi küreshni kéchiktürmeslik kéreklikini bizge oxshashla dostlirimizghimu nahayiti roshen shekilde körsitip berdi» dédi.