chet el rehberliri erdoghanni tebriklidi

türkiye awazi radiyosi xewiri: ezerbeyjan pirézidéntliq mehkimisidin élan qilinghan bayanatqa asaslanghanda, pirézidént ilham eliyéw jumhur reis rejep tayyip erdoghangha téléfon qilip, "saylamdiki zor ghelibisi" munasiwiti bilen tebrikligen.

téléfon söhbitide mundaq déyilgen:

"rejep tayyip erdoghanning rehberlikide türkiye téximu tereqqiy qildi, iqtisadiy sahede zor ghelibilerni qolgha keltürdi, xelqara sehnilerdiki orni téximu küchlendi."

rejep tayyip erdoghanmu ezerbeyjan pirézidénti ilham eliyéwning bu qétimqi saylamgha ehmiyet bergenlikige we tebrikliri üchün teshekkür éytqan.

pelestin dölet reisi mehmut abbas, bosniye-gértségowinaning dölet pirézidéntliq mehkimisi kéngishining bashliqi bekir izzetbégowich, albaniye pirézidénti edi rama we wéngriye pirézidénti wiktor orban, pakistan pirézidénti memnun hüseyin, özbékstan pirézidénti shewket mirzayéw, qatar emiri temim bin hamad essani, sudan pirézidénti ömer elbeshir, sérbiye pirézidénti aléksandar wujij, makédoniye pirézidénti jorj iwanow we küweyt emiri sabah elehmet eljabir elsabah qatarliq rehberler jumhur reis rejep tayyip erdoghangha téléfon qilip tebrikligen.

türkiyediki ermenler patrikliri wekili aram ateshyan, ermen katoliklirining ruhani rehbiri léwon zekiyan, ermen wexpiliri birlikining reisi bedros shirinoghlu, yehudiylar hahambashi ishaq haléya, türkiye yehudiyliri jamaitining reisi ishaq ibrahimzade qatarliq kishilermu rejep tayyip erdoghanni tebriklidi.