rejep tayyip erdoghan olturghan ayropilan 3-ayrodurumgha qondi

türkiye awazi radiyosi xewiri: "TC-ANK" namliq jumhur reis rejep tayyip erdoghan olturghan ayropilan uzunluqi 3750 métir, kengliki 60 métir kélidighan we barliq qurulushi axirlashqan uchush yoligha qondi. rejep tayyip erdoghan ayropilanning qonush jeryanida uchquchilar bölümide idi.

rejep tayyip erdoghanni yéngi ayrodurumda, qatnash ministiri ehmet arslan, uchquchilar we ayrodurum ishchiliri qizghin kütüwaldi. rejep tayyip erdoghan bolsa, murasim ehlige salam berdi.

ayrodurumda rejep tayyip erdoghanning ayropilanini kütüp turuwatqan pazharni xadimliri ayrodurumgha tunji bolup qonghan ayropilangha su pürküsh enenisi boyiche kütüwaldi. rejep tayyip erdoghanning ayropilani ikki tereptin su pürküwatqan aptomobillarning otturisidin ötti.

rejep tayyip erdoghan bu yerde qilghan sözide, katta ayrodurum yasashning xushalliqini yashawatqanliqini bildürdi. u mundaq dédi:

"barliq ayrodurum xizmetchilirini, énzhénérliridin binakarlirighiche bolghan ayrodurum qurulushigha küch chiqarghan hemme kishilerni tebrikleymen. heqiqetenmu uchush yolliri, chiraghliri, binaliri bilen nahayiti katta ayrodurumgha ige bolduq. xelqimiz we dölitimiz hemde insaniyet üchün ayrodurumimizning xeyrilik bolushini allahtin tileymen, xelqimge chin qelbimdin chongqur salam yollaymen."

ayrodurumining 1- qismi türkiye jumhuriyitining qurulush yili bolghan 29-öktebirde xizmetke kirishtürülidu. buningda, künlüki 3500 qétim uchush-qonush imkaniyiti, 100 ming kiwadrat métirliq kündilik paaliyet meydani, 25 ming aptomobil sighidighan gerezh, 42 kilométirlik yük-taq sistémisi, 143 yoluchilar köwrüki, 5.5 milyon tonna yük toshush sighimchanliqi, 62 kilométirliq bixeterlik chembirige ige.

ayrodurumning 73 milyard liraliq iqtisadiy ünüm we 225 ming kishige xizmet imkaniyiti yaritidighanliqi perez qilinmaqta.