erdoghan yadro énérgiyede yaponiye we firansiye bilen hemkarlishiwatqanliqlirini éytti

türkiye awazi radiyosi xewiri: jumhur reis rejep tayyip erdoghan türkiyening téz süret bilen yadro énérgiyege yüzlinidighanliqidin bésharet berdi.

jumhur reis rejep tayyip erdoghan ijtimaiy taratquda mexsus tarqitilidighan «yashliq we téxnika uchrishishi» namliq pirogrammigha qatniship, yashlarning soallirigha jawab berdi. 

erdoghan mersin akkuyuda yadro éléktir istansisisi qurulushining dawamlishiwatqanliqini tekitlep, ikkinchi yadro éléktir isansisining sinopta qurulidighanliqini we üchinchi istanssa üchün muzakirilerning dawamlishiwatqanliqini éytti. 

yadro éléktir istanssilirining eng ilghar téxnikilargha ige ikenlikini eskertken rejep tayyip erdoghan, yadro énérgiye sahasige alaqidar téxnika igellesh üchün texminen 300 oqughuchining rusiyege ewetilgenlikini bildürdi.

u türkiyening yadro énérgiye saheside yaponiye we firansiye bilen hemkarliship xizmet qiliwatqanliqinimu eskertip: «buni tügetkendin kéyin yene shunchilik, belki ulardinmu köprek yash oqughuchilirimizni her qaysi döletlerge yollaymiz. 3 – yadro éléktir istansisini belkim xitay bilen kélishishimizmu mumkin. kélishelisek xitayghimu oqughuchi ewetimiz. oqughuchilar u yerlerde bilim élip kélidu. shundaq qilip, türkiye énérgiye éhtiyajining asasliq köp qismini yadro énérgiyesi arqiliq qamdaydighan bolidu, buninggha bizning éhtiyajimiz bar» dédi.

rejep tayyip erdoghan yadro énérgiyesi jehette beziler éytqandek her xil oyunlargha kélishni xalimaydighanliqlirini tekitlidi.

u: «yadro énérgiyesi muhit bulghinish tehditini keltürüp chiqiridu» dégen sözlernimu eskertip: «dunyada yadro énérgiyesi ishlitiwatqan döletler qaysi? dep qaraydighan bolsaq, bu ishqa qarshi ikenlikini ilgiri sürüp kéliwatqanlarning asasliq köp qismining yadro énérgiyesidin paydiliniwatqanliqini körüwalalaymiz. buningdin kéyin, bundaq oyunlargha kelmeymiz» dédi.