«türkiye énérgiye saheside muhim qedemlerni tashlimaqta»
türkiye radiyo – téléwiziye bash idarisi (t r t) ning neq meydan pirogrammisida küntertipke alaqidar mesililer heqqide toxtalghan jumhur reis rejep tayyip erdoghan, türkiyening énérgiye saheside muhim qedemlerni tashlawatqanliqi toghruluq melumat berdi.
türkiye awazi radiyosi xewiri: haqqaride yéngi néfit burghilash quduqlirining ishqa kirishtürülidighanliqini eskertken jumhur reis erdoghan, yadro énérgiyesi paaliyetliri dairiside mersin aqquyu yadro éléktir istansisi qurulushining dawamlishiwatqanliqini, yéngi yadro éléktir istansiliriningmu berpa qilinidighanliqini qeyt qildi.
pakiz énérgiye layihelirige nahayiti zor ehmiyet bérip kéliwatqanliqlirini éytqan jumhur reis erdoghan, trans anadolu tebiiy gaz turuba liniyesi layihe arqiliq ezerbeyjanning tebiiy gazini türkiye arqiliq yawropagha yötkeydighanliqlirini tekitlesh bilen bir waqitta, türkiyening shamal énérgiye sahesidiki ornining nahayiti yüksek ikenlikini, konyada ming mégawatliq quyash énérgiyesi layihesini ishqa kirishtürgenliklirini qeyt qildi.
