chawushoghlu: türkiye yawropada ichki siyaset matériyali qilinmasliqi kérek

türkiye awazi radiyosi xewiri: ministir chawushoghlu, birleshken döletler teshkilati (b d t) ning 72 – nöwetlik omumiy kéngesh bashliqi miroslaw lajkak riyasetchilikide 24-, 25 – aprél künliri ötküzülgen «tinchliq berpa qilish we tinchliqning dawamlashturulushi» témiliq yighin dairiside ötküzgen uchrishishliri jeryanida muxbirlarning soallirigha jawab berdi.

u, b d t  bash katipi antonio gutérrés, b d t  omumiy kéngishi bashliqi lajkak we gérmaniye tashqi ishlar ministiri maas qatarliq köpligen ellerning tashqi ishlar ministirliri bilen uchrashqanliqini éytti.

chawushoghlu, gérman mensepdéshi maas bilen ötküzgen uchrishishning «ünümlük» bolghanliqini bildürüp, «bizning pozitsiyemiz izchil oxshash. biz gérmaniyege oxshash bir dölet bilen herdaim dostane munasiwet ornitishni we bu munasiwetlerni kücheytishni xalaymiz. emma, qarshi tereptimu oxshash tonush bolushi, türkiyege hörmet qilishi kérek» dédi.

chawushoghlu, bezi döletlerning 24 – iyun saylamlirigha alaqidar bayanatliri heqqide toxtilip, «türkiye yawropadiki köpligen dölette ichki siyaset matériyali qilinmasliqi kérek. bizning asasen yawropa döletliridin we yawropa ittipaqidin kütidighinimiz yaki teleplirimiz bizge alahide muamile qilishi emes» dégenlerni qeyt qildi.

gérmaniyening sabiq tashqi ishlar ministiri gabriél bilen ikki dölet munasiwetliri we hemkarliqini ilgiri sürüsh yolida küch chiqarghanliqlirini bildürgen chawushoghlu, maas bilenmu gabriél bilen qalghan yerdin dawamlashturush toghrisida kélishkenliklirini eskertti.

gérmaniye tashqi ishlar ministiri bilen qanuniy we xewpsizlik mesililiri, térrorluq teshkilatliri p k k  we fethullahchilar mesililiri toghrisida sözleshkenlikini bildürgen chawushoghlu, maasni istanbuldiki gérman toluq ottura mektipi qurulghanliqining 150 yilliqini tebriklesh paaliyetlirige we awghust éyida ötküzülidighan bash elchiler yighinigha teklip qilghanliqini sözlirige ilawe qildi.