erdoghan ösmürlerning ziyaritini qobul qildi
jumhur reis rejep tayyip erdoghan ösmürlerning közliride parlawatqan nurni körginide kelgüsige bolghan ümidining téximu ashidighanliqini éytti.
türkiye awazi radiyosi xewiri: erdoghan 23 – aprél milliy musteqilliq we balilar bayrimi munasiwiti bilen maarip ministiri ismet yilmaz we uning hemrahliqidiki ösmürlerning ziyaritini qobul qildi.
erdoghan jumhur reislik orunduqini bayramliq simwol ornida, 12 yashliq fatih mintashqa boshitip berdi we uninggha «pirézidént janabliri» dep xitab qildi.
erdoghan ösmürlerge söz qilip: «ümid qilimizki, hem istiqbal, hem istiqlal kürishimizde silerning téximu oxshimighan muhim orninglar bolidu. siler millitimizning dinamik küchi bolidighan insanlarni teshkil qilisiler. dunyada nopusining yash bolushi nuqtisidin éghir salmaqqa ige namzat dölet bolghan türkiyedur we siler uning ewrishkiliri» dédi.
buningdin kéyinki xizmet nishanining iqtidarliq insan yétishtürüsh bolidighanliqini tekitligen erdoghan: «siler bizning namzatlirimiz, silerning utuqliringlar bizning utuqimiz bolidu, shunga silerge toluq ishinimiz we silerning utuqliringlar bilen maxtinimiz» dédi.
jumhur reis rejep tayyip erdoghan yene: «silerning közliringlardiki shu parlawatqan nurlar méning kelgüsige bolghan ishenchimni téximu ashuridu» dédi.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
