afrinda yene töt yéza térroristlardin tazilandi

türkiye awazi radiyosi xewiri: türkiye armiyesi afrin rayonida bölgünchi térrorluq teshkilati p k k|k j k|p y d-y p g we daésh térroristlirini yoqitish, dost we qérindash rayon xelqini yuqiri bésim we zulumdin qutquzush üchün 20-yanwar bashlighan «zeytun shéxi herbiy herikiti» dawam qilmaqta.

türkiye armiyesi we erkin süriye armiyesi afrin nahiye merkizining jenubida térroristlargha qarshi dawamlishiwatqan heriketler daireside, baay, kafer, nabu, bashufah we burj haydar yézilirini térroristlardin tazilidi.

türkiye armiyesi bilen erkin süriye armiyesi 18-mart afrin nahiye merkizi, shimaliy, sherqiy we gherbidiki barliq jaylarni kontrolluq astigha alghan idi. afrin rayoni nahiye merkizi, raju, bulbul, sheyx hadid, jinderes, sheran we mabatli qatarliq alte rayondin teshkil tapidu.