«amérika - türkiye otturisidiki söhbet üzülüp qalghini yoq»
tashqi ishlar ministiri mewlüt chawushoghlu amérika qoshma ishtatliri bilen türkiye otturisidiki söhbetning dawamlishiwatqanliqini éytti.
türkiye awazi radiyosi xewiri: türkiye büyük millet mejliside muxbirlarning amérika – türkiye otturisidiki söhbet heqqidiki soallirigha jawab bergende, «amérika qoshma ishtatliri bilen türkiye otturisidiki söhbet üzülüp qalghini yoq. meslihetchimiz aldimizdiki künlerde amérika qoshma ishtatlirida ziyarette bolidu» dédi.
ministir chawushoghluning 19 – mart küni washingtongha qilidighan ziyariti amérika qoshma ishtatliri tashqi ishlar ministiri réks tillérsonning wezipisidin élip tashlinishidin kéyin bikar qilinghan idi.
chawushoghlu moskwadiki bir uniwérsitétta bergen bayanatida, türkiye bilen amérika qoshma ishtatliri otturisidiki munasiwetlerning üzülüp qélish aldida turuwatqanliqini éytqan, amérika qoshma ishtatlirining türkiye bilen normal diyalog ornitalishi üchün, aldi bilen, bölgünchi térrorluq teshkilati p k k ning süriyediki gumashtisi y p g ge bériwatqan qoral - yaragh yardimini toxtitishi lazimliqini qeyt qilghan idi.
