«bezi dostlirimiz térrorizmgha qarshi  küreshte bizge yardem bermeywatidu»

türkiye awazi radiyosi xewiri: chelik, adanada chaqirilghan 37 – nöwetlik «türkiye – yawropa ittipaqi qoshma meslihet kéngishi» yighinida qilghan sözide, türkiye armiyesining süriyening afrin rayonida dawamlashturuwatqan «zeytun shéxi» herbiy herikiti jeryanida puqralarni qoghdashqa nahayiti zor ehmiyet bériwatqanliqini tekitlep mundaq dédi: «türkiye armiyesi afrin rayonida p k k / k j k / p y d – y p g we daésh térrorchilirini bir terep qilish üchün dawamlashturuwatqan <zeytun shéxi> herbiy herikiti jeryanida bir tereptin hayat – mamatliq  küresh qilmaqta, yene bir tereptin, puqralarni qoghdashqa nahayiti zor ehmiyet bermekte. shundaqtimu, beziler puqralarning ölüp kétiwatqanliqi toghruluq pitne – ighwalarni tarqatmaqta, emma biz bu pitne – ighwalarning yalghan ikenlikini ispatlap chiqtuq.

u sözining axirida mundaq dep körsetti: «biz daéshqa qarshi küresh qilghanda bizge yardem bergen we yardem béridighanliqini bildürgen bezi dostlirimiz bashqa bir térrorluq teshkilati bolghan p k k ning süriyediki gumashtisi p y d we y p ge qarshi  küreshte bizge yardem bermeywatidu. shuni tekitlesh kérekki, térrorluq teshkilatliri mesiliside jiddiy pozitsiye tutushqa toghra kélidu.»