türkiye armiyesi afrinde chet ellik térrorchilarnimu ujuqturdi

türkiye awazi radiyosi xewiri: türkiye armiyesining afrinda térrorluq teshkilati p y d/ p k k gha qarshi zoytun shéxi herbiy herikiti jeryanida 2 yawropaliq térrorchining ujuqturulghanliqi éniqlandi.

afrin rayonida dawamlishiwatqan heriket jeryanida türkiye armiyesi teripidin ijtimaiy taratquda élan qilinghan ujuqturulghan térrorchilarning tizimliki ichide, bezi yawropaliq térrorchilarningmu barliqi diqqetni tartti.

tizimlikte bildürülishiche, heriket jeryanida, shipriliq ismi «baran galijiya» déyilidighan ispaniyleik samuél pirada léon bilen firansiyelik oliwér firajus (xitayche ismi) jén lé chiyenchi aldinqi hepte ujuqturulghan. 

ulardin bashqa yene, p y d/ p k k gha qatnashqan gollandiyelik shipriliq ismi «baran sason» dep atilidighan sjord hégér isimliq térrorchiningmu süriyening sherqidiki we iraq chégrasidiki toqunushlarda ölgenliki otturigha chiqti.

 p y d/ p k k ichide yawropadin we amérikidin kelgen nurghunlighan chet ellik térrorchilarning barliqi melum.

gherb döletliri daishqimu qétilip urush qilghanliqi bayqalghan térrochilargha qarita küchlük istixbarat toplash we edliye resmiyetliri üstide sinaqlarni élip bardi.

gherb döletliri p y d/ p k k- y p g seplirige qatniship memliketlirige qaytip barghanlargha bashqiche muamile qilmaqta.

gherb döletliri mesulliri p y d/ p k k- y p g térroluq teshkitlatini tehdit qatarida körmigenliki üchün ular heqqidiki sot resmiyetlirini béjermey kelmekte. yaki sot resmiyetliri quruq formila süpitidila tashlinip qalmaqta.