türkiye bilen amérika qoshma bayanat élan qildi
türkiye bilen amérika qoshma ishtatliri istratégiyelik shirikchiliki toghrisida bayanat élan qildi.
türkiye awazi radiyosi xewiri: amérika tashqi ishlar ministiri réks tillérsonning enqere ziyaritidin kéyin élan qilinghan türkiye – amérika qoshma ishtatliri istratégiyelik shérikchilikige dair bayanatta, térrorluq teshkilati p k k / k j k / p y d / y p g qarshi küreshke isharet qilindi.
réks tillérsonning 15-, 16 – féwral künliridiki enqere ziyariti jeryanida türkiye jumhuriyiti tashqi ishlar ministiri mewlüt chawushoghlu bilen ötküzgen qoshma muxbirlarni kütüwélish yighiniidin kéyin élan qilinghan, «türkiye – amérika qoshma ishtatliri istratégiyelik shérikchiliki toghrisidiki ortaq bayanat» namliq bayanattiki térrorizmgha qarshi küreshke alaqidar bölümde, p k k ning quyruqi p y d / y p g térrorluq teshkilati alahide tilgha élindi.
bayanattiki «türkiye bilen amérika qoshma ishtatliri, daésh, p k k, elqaide we bashqa barliq térrorluq teshkilatliri we bularning gumashtilirigha qarshi küresh iradisining qetiy ikenlikini tekitleydu» dégen ibariler, amérika qoshma ishtatlirining diplomatik sözliride yéngilinish bolidighanliqigha isharet qildi.
p k k térrorluq teshkilatining süriye gumashtisi p y d / y p g ge qarshi küreshning amérika bilen teyyarlanghan ortaq bayanatqa kirgüzülüshi, washington dairilirining enqere bilen pikir birliki ornitishta perqliq bir nuqtigha kélishi, dep analiz qilindi.
مۇناسىۋەتلىك خەۋەرلەر
türkiye biraziliyege teziye bildürdi
türkiye biraziliyediki kelkün apitide hayatidin ayrilghanlar üchün biraziliyege teziye bildürdi