جانىقلى ئامېرىكا دۆلەت مۇداپىئە مىنىستىرى بىلەن كۆرۈشتى

تۈركىيە ئاۋازى رادىيوسى خەۋىرى: شىمالىي ئاتلانتىك ئەھدى تەشكىلاتىنىڭ بېلگىيەنىڭ پايتەختى بىريۇسسېلدىكى قارارگاھىدا چاقىرىلغان مىنىستىر دەرىجىلىكلەر يىغىنىنىڭ بىرىنچى كۈنىدىكى ئولتۇرۇشلىرىغا قاتناشقان جانىقلى، بۇ جەرياندا تۈرلۈك ئۇچرىشىشلاردا بولدى. بۇ دائىرىدە، ئامېرىكا دۆلەت مۇداپىئە مىنىستىرى  جېيمس ماتتىس، فىرانسىيە دۆلەت مۇداپىئە مىنىستىرى فلورېنسې پارلى بىلەنمۇ ئايرىم – ئايرىم كۆرۈشتى.

دۆلەت مۇداپىئە مىنىستىرلىرىنىڭ خىزمەت زىياپىتىگە ئىشتىراك قىلغان جانىقلى، ئاندىن باشقا مىنىستىرلار ۋە رەھبەرلەر بىلەن خاتىرە سۈرەتكە چۈشتى، كېيىنچە ناتو  مىنىستىر دەرىجىلىكلەر خىزمەت گۇرۇپپىسى يىغىنىغا قاتناشتى.

ئىگىلىنىشىچە، جانىقلى بۈگۈنمۇ ئىسپانىيە دۆلەت مۇداپىئە مىنىستىرى مارىئا دولورېس دې كوسپېدال بىلەن بىر يەرگە جەم بولىدىكەن.