général aqar: afrin herbiy herikiti süriyening zémin pütünlükige hörmet qilidu
türkiye armiyesi bash ishtab bashliqi xulusi aqar, zeytun shéxi herbiy herikitining b d t ehdinamisi we xelqara qanunda körsitilgen heq – hoquqlarning rohigha asasen élip bériliwatqanliqini éytti.
türkiye awazi radiyosi xewiri: général - polkownik xulusi aqar, zeytun shéxi herbiy herikiti dairiside xataydiki herbiy qisimlarni közdin kechürdi.
türkiye jumhuriyiti bash qomandanliq ishtabining bildürüshiche, général - polkownik aqargha quruqluq armiye qomandani général - polkownik yashar güler, déngiz armiyesi qomandani adnan özbal we hawa armiyesi qomandani général - polkownik hasan küchükaqyüz qatarliqlar hemrah bolghan.
général - polkownik xulusi aqar, herbiy heriketning p k k/ k j k / p y d – y p g we daésh térrorluq teshkilatlirini yoqitip tashlash meqsitide élip bériliwatqanliqini eskerketip, «türkiye armiyesining paaliyetlirini, b d t ehdinamisining 51 – maddisida körsitilgen <qanunluq qoghdinish hoquqi> we b d t xewpsizlik kéngishining térrorizmgha qarshi küreshke alaqidar höjjetlirining rohigha asasen dawamlashturuwatqanliqini, heriket esnasida peqet térrorchilargha tewe nishanlargha zerbe bérilgenlikini, puqralar / bigunah kishilerning ziyangha uchrimasliqi üchün alahide diqqet we küchlük sezgürlük bilen qedem tashliniwatqanliqi» ni bildürdi.
paaliyetlerning süriyening zémin pütünlikige hörmet qilghan asasta élip bériliwatqanliqini tekitligen général - polkownik aqar, heriketning muddiasiningmu dost we qérindash rayon xelqini térrorchilarning bésimi we zulumidin qutquzush ikenlikige isharet qildi.
général - polkownik aqar, heriket dairiside namayan qilinghan qehrimanliq we pidakarliqlar üchün eskerlerni tebriklidi we ulargha utuq tilidi.
