yildirim öktichi partiyelerning rehberlirige «zeytun shéxi» herbiy herikiti toghrisida melumat berdi
bash ministir binali yildirim, öktichi partiyelerning rehberlirige afrin herbiy herikiti toghrisida melumat berdi.
türkiye awazi radiyosi xewiri: bash ministir binali yildirim, milliyetchi heriket partiyesi bashliqi dewlet bahcheli bilen chanqaya sariyida körüshüp, zeytun shéxi herbiy herikitining tinchliq, xatirjemlik, aman – ésenlik yaritishni nishan qilghan bir heriket ikenlikini éytti.
dewlet bahcheli bolsa, «bir tereptin diplomatiye, bir tereptin qoralliq küchler, bir tereptin jamaet pikri shekillendürüsh jehette yaxshi pilanlanghan bir herbiy heriket ikenliki diqqetni tartmaqta. bu nahayiti muhim bir heriket bolup, ismimu, dairisimu (chongqur) menige igidur» dédi.
bash ministir yildirim bolsa, «mesile memliket bolsa, qalghan ishlar wariyanttur» dégen chüshenchisi üchün milliyetchi heriket partiyesi bashliqigha rehmet éytti.
bash ministir binali yildirim gérmaniyede ziyarette boluwatqan jumhuriyet xelq partiyesi bashliqi kemal qilichdaroghlughimu téléfon élip, heriket toghrisida melumat berdi.
qilichdaroghlu, «allah afrinda jeng qiliwatqan eskerlirimizning yardemchisi bolsun» dep dua qildi.
