türkiye 170 döletke 21 milyard dollarliq tereqqiyat yardimi berdi

türkiye awazi radiyosi xewiri: türkiye hemkarliq we tereqqiyat idarisining bildürüshiche, türkiye 2010 – yildin 2016 – yilghiche eng köp «resmiy tereqqiyat yardimi» ni süriyege qilghan.

tashqi yardemlerning % 62 tini süriyege, % 9.54 tini afriqa ellirige, % 5.44 tini türkiy jumhuriyetlerge, % 4.3 tini balqan döletlirige, qalghan qismini bashqa rayonlardiki ellerge qilghan.

türkiye 2011 – yili bashlanghan hökümetke qarshi namayishlarning ichki urushqa aylinip kétishi netijiside qiyin ötkelge duch kelgen süriyege bu jeryanda 13 milyard 666 milyon dollar yardem qilghan. türkiyening süriyege peqet ötken yili qilghan yardimila 5 milyard 851 milyon dollargha  yetken.

türkiyening bultur «ikki tereplik tereqqiyat yardemliri» din eng köp behrimen bolghan aldinqi qatardiki 10 dölet tizimlikige nöwet bilen؛ süriye, somali, pelesitn. afghanistan, bosniye – gértségowina, qirghizistan, makédoniye, qazaqistan, ezerbeyjan we nigér kirgen.

türkiye 2010 – yildin 2016 – yilghiche türk jumhuriyetliridin qirghizistangha 603.4 milyon dollar, qazaqistangha 281 milyon dollar, ezerbeyjangha 157 milyon dollar, türkmenistangha 79.4 milyon dollar, özbékistangha 47.4 milyon dollar, tajikistangha 24 milyon dolar tereqqiyat yardimi bergen.

 bu jeryanda süriye we türk jumhuriyetliridin qalsa, somali 750 milyon dollar, afghanistan 634 milyon dollar, misir 454 milyon dollar tereqqiyat yardimige érishken. türkiye yene bu jeryanda pelesitnge 313 milyon dollar, tunisqa 212 milyon dollar, iraqqa 167 milyon dollar tereqqiyat yardimi bergen.

türkiye bultur rayonluq tereqqiyat organlirigha 203 milyon dollar, birleshken döletler teshkilatigha 35 milyon dollar, dunya bankisi bilen bashqa orunlargha 12 milyon dollar iane qilghan.

shundaq qilip, türkiye 7 yil ichide 170 döletke 21 milyard dollar tereqqiyat yardimi bergen.