amérikiliq meslihetchining asassiz sözlirige türkiyedin jawab

türkiye awazi radiyosi xewiri: türkiye amérikiliq meslihetchining sözlirining heyran qalarliq, asasiz we qetiy qobul qilghili bolmaydighan quruq gep ikenlikini élan qildi.

türkiye tashqi ishlar ministirliqidin élan qilinghan yazma bayanatta, «amérika dölet bixeterlik ishliri meslihetchisi h. r. mik mastérning bir tetqiqat orgini teripidin tünügün (12 – dékabir) washingtonda ötküzülgen yighindiki sözliride, dölitimizge we hökümitimizge hujum qilish xaraktérliq ipadilerni ishletkenlikidin epsuslanghan halda xewer taptuq. dölitimizning térrorluq we radikalliqning barliq türliri bilen qandaq küresh qilghanliqini eng yaxshi bilishi kérek bolghan bir orundiki emeldar- amérika döletlik bixeterlik ishliri meslihetchisi mik mastérning heqiqet bilen qilche alaqisi bolmighan gepliri tolimu heyran qalarliq, asassiz we qetiy qobul qilghili bolmaydighan xaraktérdiki sözlerdur» déyildi. 

mik mastérning heqiqet bilen qilche munasiwiti bolmighan sözlirige, «heyran qalarliq, asassiz we qetiy qobul qilghi bolmaydighan söz» dep baha bérilgen bayanatta yene: «biz dost, ittipaqdash dep qarawatqan amérikining dölitimizgimu oxshash pozitsiyede bolushini we meyli qandaqla süpet bilen bolmisun, bölgünchi térrorluq teshkilati p k k ning gumashtisi y p g gha oxshash térrorluq teshkilatlirini qollashni toxtitip, eneniwi ittipaqdashliq munasiwetlirimizge we xelqara qanunlargha mas halda dölitimiz qetiy irade bilen dawamlashturiwatqan térrorluqqa qarshi we radikalizmgha qarshi küreshlirige téximu konkrét we ünümlük qollashlarda bolushini kütmektimiz» déyildi.

mik mastér mezkur nutuqida, türkiyening radikal idéologiyelerni qollighanliqini ilgiri sürgen idi.