türkiyede iqamet alghan chet elliklerning sani ashmaqta
türkiyede chet elliklerge bérilidighan iqametler؛ qisqa muddetlik, aile, oqughuchi, uzun muddetlik, insaniy iqamet we adem etkeschilirining qurbanlirigha bérilidighan iqamet qatarliq türlerge bölinidu.
türkiye awazi radiyosi xewiri: texminen 590 ming chet ellik türkiyeni öz öyi ornida tallidi.
türkiye ichki ishlar ministirliqi köchmenler idarisi mudirliqining sanliq melumatlirigha asaslanghanda, yéqinqi 13 yil ichide türkiyede iqamet guwahnamisi bilen turuwatqan chet elliklerning sani 589 ming 473 yetken.
türkiye 2005 – yili 178 ming 964 chet ellikke iqamet guwahnamisi bergen bolup, bu san aldinqi yilining axirigha kelgende 461 mng 217 kishige örligen.
bu yil 7 – dékabirdiki san boyiche bolghanda, 128 ming 256 chetellikke türkiyede turush iqamet guwahnamisi bérilgen. shundaq qilip 13 yil ichide türkiyede iqamet guwahnamisi bérilgen chet elliklerning sani 589 ming 473 kishige yetken.
chet elliklerge eng köp iqamet bérilgen wilayetler arisida, 290 ming 509 kishi bilen istanbul birinchi, 51 ming 705 kishi bilen enqere ikkinchi we 49 ming 677 kishi bilen antalya üchinji boldi.
2005 – yilidin 2016 – yilighiche bolghan jeryanda iqamet guwahnasi alghan chet elliklerdin 55 ming 983 kishining iraq puqrasi, 48 ming 738 kishining süriye puqrasi, 39 ming 184 kishi ezerbeyjan puqrasi, 24 ming 253 kishining türkmenistan puqrasi we 21 ming 6 kishining rusiye puqrasi ikenliki bildürüldi.
chet ellikler we xelqara qoghdash qanunigha binaen türkiyede turushi üchün bérilgen iqamet guwahnamisi, mezkur chet ellikni türkiyede belgilengen muddetkiche, mueyyen birer yerde yashash hoquqigha ige qilidu.
türkiyede chet elliklerge bérilidighan iqametler؛ qisqa muddetlik, aile, oqughuchi, uzun muddetlik, insaniy iqamet we adem etkeschilirining qurbanlirigha bérilidighan iqamet qatarliq türlerge bölünidu.
