hulusi akar sochi yighinidin bir kün burun rusiyege qarap yolgha chiqti
türkiye armiye bash ishtab bashliqi hulusi akar ete (22-noyabir) sochida échilidighan üch terep yighinidin burun rusiyege qarap yürüp ketti.
türkiye awazi radiyosi xewiri: türkiye armiye bash ishtab bashliqi hulusi akar hawa armiye qomandanliq ishtabining ayropilani bilen enqere etimesguttiki herbiy ayrodurumdin rusiyege qarap yolgha chiqti. u sochida rusiye armiye bash ishtab bashliqi waléri gérasimow we iran armiye bash ishtab bashliqi muhemmed bakiri bilen körüshidu.
dölitimiz jumhur reisi rejep tayyip erdoghan, rusiye pirézidénti wladimir putin we iran pirézidénti hasan ruhani 22-noyabir rusiyening sochi shehiride özara körüshidu. yighinda, terepler süriye we rayonning nöwettiki weziyitini muhakime qilidu.
rusiyening ichki urushni toxtitish meqsitide astana musapisi daireside süriyediki tereplerni bir yerge jem qilishni nishan qilghan «süriye xelqler kongresi» ge térrorluq teshkilatining gumashtisi p y d nimu teklip qilishi, türkiyening qattiq naraziliqigha seweb bolghan idi. türkiyening naraziliqi sewebidin p y d teklip qilinghan kongre kéchiktürülgen idi.
bu qétimqi üch terep yighinida, kongreningmu muzakire qilinidighanliqi perez qilinmaqta.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.