дунйаниң сақлиниватқан мәсилилири TRT World ниң рийасәтчиликидә истанбулда муһакимә қилиниду

истанбул, дунйаниң сақлиниватқан мәсилилири муһакимә қилинидиған наһайити чоң бир йиғинға саһибханлиқ қилиду.

дунйаниң сақлиниватқан мәсилилири TRT World ниң рийасәтчиликидә истанбулда муһакимә қилиниду

түркийә авази радийоси хәвири: истанбул, 18 – өктәбирдә түркийәниң инглизчә садаси TRT World қанили тәрипидин орунлаштурулған дунйаниң сақлиниватқан мәсилилири муһакимә қилинидиған наһайити чоң бир йиғинға саһибханлиқ қилиду؛ йиғинниң ечилиш нутқини җумһур рәис рәҗәп таййип әрдоған сөзләйду.

TRT World ниң мәдәнийәт, сийасәт, иқтисадий вә иҗтимаий саһәләрдики сақлиниватқан мәсилиләргә чарә издәш мәқситидә тунҗи қетим өткүзидиған « TRT Worldмунбири», дунйаниң охшаш болмиған әллиридин келидиған 400 гә йеқин сийасәтчи, сода – санаәтчи, тәтқиқатчи, паалийәтчи вә журналистларни өзара учраштуриду.

буниңдин кейин һәр йили изчил давамлаштуруш пиланлиниватқан йиғин, «ениқсизлиқ дәвридә өзгиришкә илһам болуш» дегән тема астида өткүзүлиду.

«TRT Worldмунбири» да сөзләйдиғанларниң арисида омумий хәлқ беләт ташлаш паалийити киризисини баштин кәчүргән испанийәниң сабиқ баш министири җозе луис родригуез запатеро, малком ексниң ниң қизи паалийәтчи илйасаһ шабаз, ташқи ишлар министири мәвлүт чавушоғлу, җәнубий африқа тәрәққийат ишлири министири оливе дламини, т р т баш мудири ибраһим әрән вә руси баш директори карин вон һиппел қатарлиқларму бар.

әнглийә ташқи ишлар министирлиқиниң етиқад вә топлуқларға мәсул министирлиқ вәзиписидин дөлитиниң ғәззә сийасити сәвәблик истепа бәргән, әнглийәниң тунҗи мусулман айал министири баронес саидә варсиму йиғинда сөз қилиду.

нөвәттики сақлиниватқан сийасий мәсилиләр вә ахбарат васитилириниң мәсулийити бәс – муназириләрниң мәркизидин орун алидиған йиғинида, чәт әллик дүшмәнлики вә исламофобийа, инсанпәрвәр йардәм, хәлқара система баштин кәчүрүватқан киризис вә униң чиқиш йоллири дегән темилар мәхсус муһакимә қилиниду.

18 – өктәбир кәчтә «TRT World Citizen»  лайиһәси билән  TRT Worldниң инсаний киризисләргә қарита сәзгүрлүкни ашуруш мәқситидә қурған иҗтимаий мәсулийәт намлиқ сәпәрвәрлик паалийити тонуштурулиду.

игилинишичә, лайиһәниң темиси «йоқап кәткән мусапир балилар» икән.

йиғинда мусапирлар мәсилиси күнтәртипкә елип келингәндин сирт, буниңға алақидар һөҗҗәтлик филимләрму тәййарлинидикән.

 TRT Worldхәвәрләр кординатори фатиһ әр бу һәқтәп тохтилип, «биз хәвәр мәркизи болуш сүпитимиз билән, орган әткәсчилириниң қолиға өтүп кәткән балиларға алақидар бир һөҗҗәтлик филим тәййарлаймиз, униму пат йеқинда тарқитимиз, иҗтимаий мәсулийәткә алақидар пилан – лайиһәлиримиз давамлишиду» дегәнләрни қәйт қилди.

« TRT Worldмунбири» вә иштиракчиларға алақидар тәпсилий мәлуматларға forum.trtworld.com арқилиқ еришкили болиду.



مۇناسىۋەتلىك خەۋەرلەر