chawushoghlu amérika tashqi ishlar ministiri bilen körüshti

türkiye awazi radiyosi xewiri:  diplomatik menbelerning bildürüshiche, téléfon uchrishishida, türkiye – amérika otturisidiki wiza kirizisi, qoralliq fethullahchi térrorluq teshkilati unsurlirini tekshürüp tutush jeryanida amérikining istanbul konsulxanisi xadimi metin topuz mesilisi qatarliq mesililerni chöridigen halda muzakire élip bérilghan.

metin topuzning sotliniwatqan we tekshürülüwatqan bezi sabiq jamat xewpsizliki idarisi we edliye mehkimilirining mesulliri bilen munasiwitining barliqi éniqlap chiqilghandin kéyin, istanbul bash teptish mehkimisi térrorizm we teshkillik jinayetlerni tekshürüp bir terep qilish bashqarmisi teripidin «asasiy qanun tertipini buzushqa urunush, jasusluq qilish we türkiye jumhuriyiti hökümitini yoqitishqa urunush» qatarliq jinayetler bilen eyiblinip qolgha élinghanidi.

arqidinla amérika tashqi ishlar ministirliqi naraziliq bildürgen, türkiye tashqi ishlar ministirliqi buninggha mundaq jawab bergenidi: «2017 – yili 25 – séntebir küni térrorluq jinayetliri bilen chétishliqi bolghanliqi üchün qolgha élinghan metin topuz hem amérika konsulxanisining resmiy xadimi emes hme diplomatik we bashqa konsulxana xadimlirigha oxshash qoghdinish hoquqigha ige emes.»

bu özgirishlerdin kéyin amérika türkiye puqralirigha wiza bérishni toxtatqan, türkiyening washington bash elchixanisimu buninggha mundaq jawab qayturghanidi: «amérikidiki barliq wakaletxanilirimiz amérika puqralirigha wiza bérishni toxtattq.»