تۈركىيە ياۋروپا بىلەن ئاسىيا ئوتتۇرىسىدا كۆپرۈكلۈك رولىنى جارى قىلدۇرماقتا

تۈركىيە ئاۋازى رادىيوسى خەۋىرى: يىلدىرىم خەلقئارا ئەمگەكچىلەر تەشكىلاتى (ILO)  نىڭ ئىستانبۇلدا چاقىرىلغان 10 – نۆۋەتلىك ياۋروپا رايونلۇق يىغىنىنىڭ ئېچىلىشىدا قىلغان سۆزىدە، مۇنداق دېدى: «تۈركىيە ھەم جۇغراپىيەلىك ھەم مەدەنىيەت ۋە كۈلتۈر بايلىقلىرى جەھەتتىن ياۋروپا بىلەن ئاسىيا ئوتتۇرىسىدا كۆۋرۈكلۈك رولىنى جارى قىلدۇرماقتا. شۇنداقلا مەدەنىيەتلەر توقۇنۇشىنىڭ ئالدىنى ئېلىش بىلەن بىر ۋاقىتتا، تېپىلغۇسىز پۇرسەت – ئىمكانىيەتلەرنىمۇ يارىتىپ بەرمەكتە، شەرق بىلەن غەرب ئوتتۇرىسىدىكى پات - پات ئۆزگىرىپ تۇرىدىغان ئىقتىسادىي ئەھۋاللاردىمۇ ئۆزىنىڭ كۆۋرۈكلۈك رولىنى جارى قىلدۇرماقتا.»

ئۇ يەنە، تۈركىيەنىڭ نۆۋەتتە دۇنيا بويىچە ئەڭ چوڭ ئايرودۇرۇم قۇرۇلۇشىنى ئىشقا كىرىشتۈرۈۋاتقانلىقىنى تەكىتلەپ مۇنداق دېدى: «سىلەر شۇنداق بىر دۆلەتتە تۇرۇۋاتىسىلەركى، 3 سائەت ئۇچۇش ئارقىلىق 56 دۆلەتنى ئايلىنىپ چىقالايسىلەر. جۈملىدىن سىلەر ھازىر يىلىغا 30 تىرىليون دوللارلىق مەبلەغ ئايلىنىۋاتقان بىر دۆلەتتە بۇ يىغىننى ئېچىۋاتىسىلەر.»