ئەردوغان فىرانسىيە پىرېزىدېنتى ماكرون بىلەن تېلېفوندا كۆرۈشتى

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان بىلەن پىرېزىدېنت ماكروننىڭ تېلېفون سۆھبىتىدە، سۈرىيە ، ئىراق ۋە پارس قولتۇقى رايونىدىكى ئەھۋاللاردىن باشقا، تېررورىزمغا قارشى كۈرەش مەسىلىسىمۇ مۇزاكىرە قىلىندى.

ئېلېيسى سارىيى مەزكۇر تېلېفون سۆھبىتى توغرىسىدا بايانات بېرىپ، ئىككى رەھبەرنىڭ، سېنتەبىر ئېيىدا ئامېرىكا قوشما ئىشتاتلىرىنىڭ نىيۇ يورك شەھىرىدە چاقىرىلىدىغان ب د ت  يىغىنىنىڭ سۈرىيەگە ئالاقىدار  بۆلۈمى ئۈچۈن ئىككى دۆلەتنىڭ مەخسۇس ئالاقە گۇرۇپپىسىنى قۇرۇپ چىقىشنى قارار قىلغانلىقىنى ئۇقتۇردى.