chawushoghlu özbékistanda ziyarette bolmaqta
dölitimiz tashqi ishlar ministiri mewlut chawushoghlu, qatardiki dölet ishliri ziyaritini axirlashturup özbékistangha yétip bardi.
türkiye awazi radiyosi xewiri: tashqi ishlar ministiri chawushoghlu, tashkenttiki uchrishishliri dairiside aldi bilen türk we özbék soda – sanaetchiler bilen körüshüp, soda – sanaetchilerning ikki dölet arisidiki soda hejimini ashurushqa alaqidar qarashlirigha qulaq saldi. u, ziyaritining ikkinchi künide, özbékistan tashqi ishlar ministiri abduleziz kamilow bilen ayrim körüshkendin kéyin, qoshma muxbirlarni kütüwélish yighini ötküzdi.
chawushoghlu, uchrishishta siyasiy, iqtisadiy we sayahet qatarliq pütkül saheler boyiche hemkarliq ornitish toghrisida sözleshkenliklirini eskertti we ikki terep ziyaretlirining dawamlishidighanliqini qeyt qilghan halda, «bu yil ichide chaqirilidighan pirézidéntlar yighini bilen munasiwetlirimizni yuqiri kötürimiz» dédi.
tashqi ishlar ministiri chawushoghlu özbékistandiki ziyariti dairiside, parlamént bashliqining birinchi muawini sadiq safayéw we pirézidént shewket mirziyayéw bilenmu körüshidu.
bu ziyaret, yéqinqi mezgilde süriti ashqan türkiye – özbékistan munasiwetliri nuqtisidin nahayiti muhim hésablinidu.
