erdoghan: düshmenlirimiz kélechikimizni qaraytishqa urunidu, biz nurlandurushqa tirishimiz

türkiye awazi radiyosi xewiri: erdoghan istanbuldiki tawshantepe métro istansisida pendik nahiyesi teripidin ötküzülgen ul eslihe qurulushlirini ammiwi halda xizmetke kirishtürüsh murasimida qilghan sözide, türkiye büyük millet mejlisining testiqidin ötken asasiy qanunni özgertish teklipi toghruluq hel qilghuch qararni türkiye xelqining béridighanliqi tekitlidi hemde xelqning teklipni maqullishi bilen türkiyening güllinishning eng yüksek choqqisigha yétidighanliqini qeyt qildi.

pilan muweppeqiyetlik halda orunlanghandin kéyin istanbul qatnishining asasiy jehettin  rélisliq qatnash sistémisi arqiliq ishqa ashurulidighanliqini eskertken erdoghan, istanbuldiki jamat xewpsizliki idarisi binasi bilen adalet we tereqqiyat partiyesi binasigha qilinghan hujumni eyiblep mundaq dédi: «düshmenlirimiz shuni bilishi kérekki, ular bundaq qilish arqiliq hergizmu meqsitige yételmeydu. chünki biz dölitimizni qoghdash we tereqqiy qildurushqa alliqachan jénimizni tikip qoyghan. ular türk millitining kélichikini qaraytishqa urunidu, emma biz tashlighan her bir qedimimiz arqiliq xelqimizge parlaq istiqbal yaritimiz. ular térrorluq teshkilatlirining qoral – yaraghliri we bombiliri bilen hemme yaqni weyran qilidu, biz qaytidin awat qilimiz, ular qol ilkiliridiki iqtisadiy imkaniyetlerdin paydilinip bizni tiz püktürüshke urunidu, emma biz ishqa ashuruwatqan layihelirimiz arqiliq tereqqiyatning eng yuqiri pellisige örleymiz, ular öltürüshning yollirini izdeydu, emma biz yashitishning charisini izdeymiz. chünki biz pütkül xelqimiz bilen birlikte bir gewdige aylanghan qudretlik türkiyemiz.»