térroristlarning hujumida 4 esker shéhit boldi
mardin – diyarbaqir tash yolida bölgünchi térrorluq teshkilati p k k teripidin yolgha tuzaq qurup orunlashturup qoyulghan partlatquchning herbiy aptomobilning ötüshi jeryanida partlishi netijiside 4 esker shéhit boldi.
türkiye awazi radiyosi xewiri: hujumdin kéyin rayonda térroristlarni qolgha chüshürüsh üchün herbiy heriket bashlandi.
mardin – diyarbaqir döletlik tash yolining 25 kilométir yiraqliqida bölgünchi térrorluq teshkilati p k k teripidin yolgha tuzaq qurup orunlashturup qoyulghan partlatquchning herbiy aptomobilning ötüshi jeryanida partlishi netijiside 6 esker yarilandi we doxturxanigha orunlashturuldi. éghir yarilanghan 3 esker dawalash ünüm bermey shéhit boldi.
hujumdin kéyin rayonda térroristlarni qolgha chüshürüsh üchün herbiy heriket bashlandi.
haqqarining shemdinli we wanning bashqele nahiyeside bölgünchi térrorluq teshkilati p k k teripidin yolgha tuzaq qurup orunlashturup qoyulghan partlatquchning herbiy aptomobilning ötüshi jeryanida partlishi netijiside 12 esker yarilandi.
shemdinli rayondiki hujumda 4, bashqele rayondiki hujumda bolsa 8 esker yarilandi.
eskerler doxturxanilargha orunlashturulush bilen bir waqitta, rayonda keng kölemlik herbiy heriket bashlandi.
bu ariliqta, türkiye armiyesi yéqinqi bir heptidin buyan diyarbaqir, mardin we bitliste élip barghan zerbe bérish heriketliride 9 dane qoral - yaragh qachilanghan aptomobilni pachaqlap tashlidi hemde tonlarche bombini qolgha chüshürdi.
