تېررورىستلارنىڭ ھۇجۇمىدا 4 ئەسكەر شېھىت بولدى

تۈركىيە ئاۋازى رادىيوسى خەۋىرى: ھۇجۇمدىن كېيىن رايوندا تېررورىستلارنى قولغا چۈشۈرۈش ئۈچۈن ھەربىي ھەرىكەت باشلاندى.

ماردىن – دىيارباقىر دۆلەتلىك تاش يولىنىڭ 25 كىلومېتىر يىراقلىقىدا بۆلگۈنچى تېررورلۇق تەشكىلاتى پ ك ك تەرىپىدىن يولغا تۇزاق قۇرۇپ ئورۇنلاشتۇرۇپ قويۇلغان پارتلاتقۇچنىڭ ھەربىي ئاپتوموبىلنىڭ ئۆتۈشى جەريانىدا پارتلىشى نەتىجىسىدە 6 ئەسكەر يارىلاندى ۋە دوختۇرخانىغا ئورۇنلاشتۇرۇلدى. ئېغىر يارىلانغان 3 ئەسكەر داۋالاش ئۈنۈم بەرمەي شېھىت بولدى.

ھۇجۇمدىن كېيىن رايوندا تېررورىستلارنى قولغا چۈشۈرۈش ئۈچۈن ھەربىي ھەرىكەت باشلاندى.

ھاققارىنىڭ شەمدىنلى ۋە ۋاننىڭ باشقەلئە ناھىيەسىدە بۆلگۈنچى تېررورلۇق تەشكىلاتى پ ك ك تەرىپىدىن يولغا تۇزاق قۇرۇپ ئورۇنلاشتۇرۇپ قويۇلغان پارتلاتقۇچنىڭ ھەربىي ئاپتوموبىلنىڭ ئۆتۈشى جەريانىدا پارتلىشى نەتىجىسىدە 12 ئەسكەر يارىلاندى.

شەمدىنلى رايوندىكى ھۇجۇمدا 4، باشقەلئە رايوندىكى ھۇجۇمدا بولسا 8 ئەسكەر يارىلاندى.

ئەسكەرلەر دوختۇرخانىلارغا ئورۇنلاشتۇرۇلۇش بىلەن بىر ۋاقىتتا، رايوندا كەڭ كۆلەملىك ھەربىي ھەرىكەت باشلاندى.

بۇ ئارىلىقتا، تۈركىيە ئارمىيەسى يېقىنقى بىر ھەپتىدىن بۇيان دىيارباقىر، ماردىن ۋە بىتلىستە ئېلىپ بارغان زەربە بېرىش ھەرىكەتلىرىدە 9 دانە قورال - ياراغ قاچىلانغان ئاپتوموبىلنى پاچاقلاپ تاشلىدى ھەمدە تونلارچە بومبىنى قولغا چۈشۈردى.