تۈركىيە جۇمھۇر رەئىسلىكى باش كاتىپى مۇئەييەنلەشتى

تۈركىيە جۇمھۇر رەئىسلىكى مەنبەلىرىدىن ئىگىلەنگەن مەلۇماتقا كۆرە، تۈركىيە باش مانىستىرلىكى مەسلىھەتچىسى فەخرى كاسىرگا تۈركىيە جۇمھۇر رەئىسلىكى باش كاتىپى بولدى.
7 يىلدىن بۇيان باش كاتىباتلىق ۋەزىپىسنى ئۆتەپ كېلىۋاتقان مۇستافا ئىسەن بولسا، جۇمھۇر رەئىسلىك باش مەسلىھەتچىسى بولۇپ تەيىنلەندى.
تۈركىيە جۇمھۇر رەئىسلىكى باش كاتىپلىق ۋەزىپىسگە تەيىنلەنگەن فەخرى كاسىرگا 1953 – يىلى رىزەنىڭ چايىلى ناھىيەسىدە تۇغۇلغان. ئۇ ئىستانبۇل كاباتاش ئوغۇللار تۇلۇق ئوتتۇرا مەكتىپىنى پۈتكۈزگەندىن كېيىن 1977 – يىلى ئىستانبۇل ئۇنىۋېرسىتېتى قانۇن فاكولتىتىنى نەتىجىلىك تاماملىغان. 1978 – يىلىدىن 2003 – يىلىغىچە بولغان جەرياندا جۇمھۇرىيەت باش تەپتىشى بولۇپ ۋەزىپە ئۆتىگەن. 2003 – يىلى 3 – ئۆكتەبىردە ئەدلىيە مىنىستىرلىكى مەسلىھەتچىسى بولۇپ تەيىنلەنگەن. ئاندىن 2007 – يىلى 22 - ئىيۇندا ئۆتكۈزۈلگەن سايلاملاردىن ئىلگىرى، 2007 – يىلى 8 – مايدىن 2007 – يىلى 29 - ئاۋغۇستقىچە بولغان مەزگىلدە ئەدلىيە مىنىستىرى بولغان.
ئەفكان ئەلا تۈركىيە ئىچكى ئىشلار مىنىستىرى بولغاندىن كېيىن 2014 – يىلى 20 – يانۋاردا فەخرى كاسىرگا تۈركيە باش مىنىستىرلىكى مەسلىھەتچىسى بولۇپ بەلگىلەنگەن.