abdullah gül wida ziyaretlirini bashliwetti

türkiye awazi radiyosi xewiri: wezipe ötesh mudditi 28-awghustta axirlishidighan jumhur reis abdullah gül, wéda ziyaritini bashliwetti.
jumhur reis abdullah gül tunji bolup türkiye büyük millet mejlisi bashliqi jemil chichekni ziyaret qilidu. gül yene jumhur reis namzati we bash ministir rejep tayip erdoghan bilenmu bash ministirlik idariside körüshidu.
asasiy qanun mehkimisi, aliy sot mehkimisi we ottura sot mehkimisi bashliqlirini 2014-yili 5-awghustta seyshenbe küni ziyaret qilidighan abdullah gül, 4-6 awghust künliride ötküzülidighan aliy herbiy kéngishi seweblik armiye bash qomandanliq ishtabi ishtab bashliqi général nejdet özel bilen 2014-yili 7-awghustta peyshenbe küni körüshidu.
jumhur reis abdullah gül türkiye büyük millet mejliside guruppisi bolghan partiyelerning reisliri bilenmu körüshidu. gül 12 we 19-awghustta chankaya sariyida ikki qétimliq ziyapet uyushturidu. dölet erbabliri teklip qilinidighan tunji ziyapettin kéyin uyushturulidighan ikkinchi ziyapetke chong karxanichilar, senetchiler, yazghuchilar, zhurnalistlar we ammiwi teshkilatlarning reisliri ishtirak qilidu.
buningdin sirt, abdullah gül her yildikige oxshash bu yilmu aliy herbiy kéngishi ezalirigha ziyapet béridu. gül 5-awghust seyshenbe küni kechlik ziyapette aliy herbiy kéngishi ezaliri bilen axirqi qétim körüshidu.