08.03.2024
bügünki türkiye metbuatida orun alghan bezi muhim xewerlerning qisqiche mezmunliri töwendikiche:
2112688
türkiye awazi radiyosi: «weten» géziti: türkiye jumhuriyiti tashqi ishlar ministiri xaqan fidanning aqsaray dölet bixeterlik ishliri meslihetchisi jéyk sulliwan bilen körüshüp, ghezzede tézdin urush toxtitish élan qilish we yollinidighan yardem eshyalirining miqdarini köpeytish kéreklikini otturigha qoyghanliqini xewer qildi.
gézitning xewiride körsitilishiche, fidan amérika qoshma ishtatlirining ittipaqdashliq rohigha asasen heriket qilip, p k k gumashtiliri bilen bolghan munaswitige xatime bérishi kéreklikini tekitligen.
«yéngi shepeq» géziti: iraqning shimalidiki zerbe bérish heriketliri arqiliq p k k ni yoqitishni pilanlighan türkiyening, owakoy chégra éghizini öz ichige alghan tereqqiyat yoli türi xizmitining süritini ashurghanliqini yazdi.
xewerde, körsitilishiche, bu tür p k k ning iraq-süriye alaqisini üzüp tashlaydighan tebiiy tosuq bolup qalidiken.
«star» géziti: amérikaning «Business Insider» zhurnilining 21-féwral tunji qétimliq uchushini muweppeqiyetlik tamamlighan türkiyening 5-ewlad küreshchi ayropilani — kaan heqqidiki analizida, qérindash dölet ezerbeyjanning rusiyede ishlengen urush ayropilanlirining ornigha kaanni ishlitidighanliqini ilgiri sürgenlikini yazdi.
«hürriyet» géziti: türkiye jumhuriyiti énérgiye we tebiiy bayliqlar ministiri alparslan bayraqtarning bayanat bérip: «gabardiki kündilik néfit ishlepchiqirish miqdarimizni 37 ming warildin ashurduq. aprélda toqquz yéngi quduq échilidu, nishanimiz 2024-yilining axirida kündilik ishlepchiqirish miqdarimizni 100 ming warilgha yetküzüshtur» dégenlikini xewer qildi.
مۇناسىۋەتلىك خەۋەرلەر
24.05.2024
bügünki türkiye metbuatida orun alghan bezi muhim xewerlerning qisqiche mezmunliri töwendikiche: