05.12.2023

türkiye awazi radiyosi: «weten géziti», jumhur reis rejep tayyip erdoghanning, «isirailiyening ghezzediki qetliamliri gherbningmu heqiqiy epti-beshirisini körsitip berdi. gherb döletliri isirailiyeni téximu köp kichik balilarni öltürsun dep shertsiz qollimaqta» dégenlikini xewer qildi.

«hörriyet géziti», jumhur reis rejep tayyip erdoghanning «ghezze qassapi» isirailiye bash ministiri nétanyahuning urush jinayetchisi dep emes, srébnitsa irqiy qirghinchiliqi bilen eyiblengen sérbiyening sabiq pirézidénti miloshowichqa oxshash sotqa tartilidighanliqini éytqanliqini xewer qildi.

«xeber türk géziti», türkiye istixbarat organlirining, xelqaraliq taratqularda élan qilinghan isirailiyening chet ellerde yashaydighan hamas ezalirini öltüridighanliqi toghrisidiki xewerlerge we isirailiye emeldarlirining buninggha munasiwetlik bayanatlirigha inkas qayturghanliqini xewer qildi.

xewerde, isirailiyediki munasiwetlik organlargha kéreklik agahlandurshlarning bérilgenliki؛ eksiche bolghanda, buning éghir aqiwetlirining bolidighanliqi toghrisida signal bérilgenliki qeyt qilindi.

«star géziti», stokholm xelqara tinchliq tetqiqatliri inistituti (SIPRI) ning dunyada aldinqi qatarda turidighan 100 mudapie sanaiti shirkiti tizimlkige, türkiyening töt shirkitining kirgüzülgenlikini xewer qildi.

xewerde, aselsan shirkitining 60-, baykar shirkitining 76-, türkiye awiyatsiye  alem sanaiti shirkitining 82-, rokétsan shirkitining 100-rettin orun alghanliqi bildürüldi.

«yéngi shepeq géziti», tayland tay (Thai) hawa yolliri shirkitining istanbul ayrodurumidin ayropilan seperliri mulazimiti alghan 99- hawa yolliri shirkiti bolghanliqini xewer qildi.

xewerde, xitay hawa yolliri shirkiti «Air China» ningmu istanbul ayrodurumidin ayropilan seperliri mulazimiti alidighanliqi we  ayrodurumdin mulazimet alghan 100-shirket bolidighanliqi qeyt qilindi.