04.12.2023

türkiye awazi radiyosi: «hörriyet géziti», tashqi ishlar ministirliqi bayanatchisi kechelining isirailiye tashqi ishlar ministiri éli kohinning éks X)) adrésida hembehrligen uchurigha naraziliq bildürüp, « ishghaliyetchi küchning bigunah puqralargha qiliwatqan hujumini her qandaq bahane bilen <qanunluq özini qoghdash> dep qobul qilghili bolmaydu» dégenlikini xewer qildi.

«sabah géziti», türkiye büyük millet mejlisi (parlaménti) bashliqi numan qurtulmushning bayanat élan qilip, isirailiyening zulumigha jimjit qarap turghan döletlerge naraziliq bildürgenlikini xewer qildi.

xewerde, numan qurtulmushning «isirailiye pelestindiki doxturxanini bombardiman qildi, 30 din artuq bowaq jénidin ayrildi, pütkül dunya buninggha qarap turdi. insanliq qeyerde?» dégenliki qeyt qilindi.

«yéngi shepeq géziti», tünügün (3-dékabir) iraqning shimalidiki «penche-qulup» herbiy herikiti rayonida bayqalghan p k k gha eza üch térroristning qoralliq uchqu teripidin bir terep qilinghanliqini xewer qildi.

«weten géziti», soda ministiri ömer bolatning noyabir éyi (2023) da tashqi sodida tarixtiki eng yuqiri sewiyening yaritilghanliqini éytqanliqini xewer qildi.

xewerde, ministir ömer bolatning noyabir éyida 23.01 milyard dollarliq mal éksport qilinghanliqini bildürgenliki qeyt qilindi.