25.08.2022

«‹xeber türk› géziti», «qurulush höddigerlikide nishan 75 milyard dollar» serlewhilik xewiride, jumhur reis rejep tayyip erdoghanning «2030-yillirida xelqaraliq qurulush höddigerlik mulazimetlirining kölimi 750 milyard dollargha yétishi mölcherlenmekte we biz birlikte dölitimizning bu chong torttin alidighan ülüshini 75 milyard dollargha yeni %10 ke yetküzüshni nishan qilmaqtimiz» dégenlikini yazdi.

«‹höriyet› géziti», «rusiyedin antalya arqiliq uchush pilani» serlewhilik xewiride, munu uchurlargha orun ajratti:

rusiyediki ajantilar bilen sayahet shirketliri türkiyede texminen ikki aydin kéyin yépilish aldida turghan yazliq sayahet peslidin kéyinge qarita antalyagha munasiwetlik yéngi pilanlarni tüzüshke bashlidi. rusiye sayahet tijaretchiliri jemiyitining muawin reisi aléksan mikirchan qish aylirida yiraq sherq we karib déngizi rayonidiki issiq déngizgha sayahetke barmaqchi bolghan rusiyelik sayahetchilerge nisbeten buning azabliq we ademni charchidighan uzun seper bolidighanliqini bildürüp, «eng téjeshlik hemde rahet yol pilani türkiyening antalya ayrodorumini ishlitishtur» dédi.

«‹weten› géziti», «néfit zapisi eng yuqiri döletler élan qilindi» serlewhilik xewiride, xelqara énérgiye idarisi (IEA) ning néfit zapisi eng yuqiri döletlerning yéngilanghan tizimlikini élan qilghanliqini, sanliq melumatlargha asaslanghanda, dunyada ishlepchiqirishqa bolidighan omumiy néfit zapisi 1 tirilyon 779 milyard warilgha örligenlikini, türkiyening bolsa, bu tizimlikte nurghun döletlerni arqida qaldurup 340 milyon waril bilen 18 - orungha ötkenlikini yazdi.

«‹yéngi shepeq› géziti», «istanbul paychiki bazirigha chetelning qiziqishi» serlewhilik xewiride, munu uchurlargha orun ajratti:

istanbul paychik bazirining BIST 100 körsetküchi 3100 numur örlidi. bu örleshte chetellik meblegh salghuchilarning qiziqishi muhim rol oynidi. körsetküch yil béshidin buyan %61 ashti.

«‹star› géziti», «aqar térorluqqa qarshi küreshte qetiy iradini tekitlidi» serlewhilik xewiride, dölet mudapie ministiri xusuli aqarning türkiye qoralliq qismlirining térrorluq teshkilati p k k/y p g we p y d gha qarshi élip barghan heriketliri terepke hemmining diqqitini tartip, «biz 85 milyon puqrayimizning ishenchisige kapaletlik qilish üchün tirishiwatimiz» dégenlikini hemde birdinbir hujum nishanining térrorchilar ikenlikini tekitlep, «térrorchilar qeyerde bolsa, hujum nishanimiz shu yerdur. bu heriket qachanghiche dawamlishidu? eng axirqi bir térrorchi ujuqturulghangha qeder» dégenlikini yazdi.