17.06.2022

türkiye awazi radiyosi: «hürriyet» géziti: «tashqi ishlar ministirliqi gérmaniyege jawab qayturdi» serlewhilik xewiride, (türkiye jumhuriyiti) tashqi ishlar ministirliqi bayanatchisi tanju bilgichning, gérmaniye tashqi ishlar ministirliqi bayanatchisining girétsiyege yan bésip, türkiyeni eyibligen bayanatigha keskin inkas qayturup: «dölitimizning hawa tewelikige dexli qilip, boshluqimizda ayropilanlirini uchurghan we ayropilanlirimizgha parakendichilik salghan terepning girétsiye bolushigha qarimay, gérmaniye bayanatchisining dölitimizni asassiz eyiblishi qobul qilinmaydu» dégenlikini oqurmenlirining diqqitige sundi.

«star» géziti: «ministir aqar girétsiyelik mensepdishi panagiyopulos bilen körüshti» serlewhilik xewiride, türkiye jumhuriyiti dölet mudapie ministiri xulusi aqarning tünügün girétsiye dölet mudapie ministiri nikos panagiyopulos bilen körüshüp, «saqliniwatqan mesililerni hel qilish üchün alaqe yollirini ochuq tutup, diqqetni ijabiy küntertipke merkezleshtürüshning yaxshi qoshnidarchiliq munasiwiti bilen ikki dölet we rayon hemkarliqigha qoshidighan töhpisi, shundaqla jiddiychilikni peskuygha chüshürüsh üchün söhbetni dawamlashturushning ehmiyiti toghrisida sözleshkenliki»ge dair uchurlargha orun berdi.

«weten» géziti: «ministir mush: bu yilliq éksport nishanimiz 250 milyard dollar (dédi)» serlewhilik xewiride, türkiye jumhuriyiti soda ministiri mehmet mushning tünügün bayanat bérip: «türkiye bolush süpitimiz bilen, bultur 225 milyard dollarliq mal éksport qilduq. bu yilqi nishanimiz 250 milyard dollardin éship kétish. biz dadilliq bilen bu nishangha qarap ilgirilewatimiz» dégen sözlirige orun berdi.

«xabertürk» géziti: «roslarning tetilini türkiyede ötküzüsh telipi teminlesh iqtidaridin éship ketti» serlewhilik xewiride, rusiye sayahet shirketliri uyushmisining bayanat bérip, ruslarning dem élishini türkiyede ötküzüshke bolghan telipining mulazimet bilen teminlesh chékidin éship ketkenlikini, yéqinqi ikki – üch kün ichide antalyagha uchidighan ayropilan tépishning mumkin emeslikini otturigha qoyghanliqini yazdi.

«sabah» géziti: «ghayet zor sayahet paraxoti 1411 yoluchini élip bodrumgha keldi» serlewhilik xewiride, bodrumdiki déngiz sayahitining janliq halitini saqlap kéliwatqanliqi, italiye bayriqi qadalghan uzunluqi 323 métir kélidighan «kosta wénéziye» namliq sayahet paraxotining asasliqi gérmaniye, italiye, ispaniye we portugaliyeliklerdin teshkil tapqan 1411 yoluchini élip 4-qétim bodrumgha kelgenliki toghrisidiki uchurlargha orun berdi.