16.06.2022

«‹yéngi shepeq› géziti», «xelqaraliq uchushlar <türk awiatsiye shirkiti> dégen namni ishlitilidu» serlewhilik xewiride, munu uchurlargha orun ajratti:

jumhur reis rejep tayyip erdoghan «dölitimizning namini <türkiy> din <türkiye>ge özgertish qararimizni muweppeqiyetlik ishqa ashurduq, bashqa sahelerdimu oxshash usulni qollinimiz. döletlik awiatsiye shirkitimiz emdilikte xelqaraliq uchushlarda <türkish awiatsiye shirkiti> emes, belki <türk awiatsiye shirkiti> dégen namni ishlitilidu» dédi.

«‹hörriyet› géziti», «chawushoghlu: <shiwitsiye we finlandiyege endishimizni yetküzduq> dédi» serlewhilik xewiride, tashqi ishlar ministiri mewlut chawushoghluning shiwitsiye we finlandiyening shimaliy atlantik ehdi teshkilatigha eza bolush mesilisige qarita türkiyening endishisini ochuq-ashkare yetküzgenlikini we térorluqni qollaydighan bu ikki döletning türkiyening endishisini peseytidighan qedemlerni tashlishini ümid qilidighanliqini eskertip, «bu döletler bizning endishimizni yoqitishi kérek. emdilikte top qarshi döletlerde» dégenlikini yazdi.

«‹weten› géziti», «türkiyening aq déngiz, ege déngizi we qara déngizdiki énérgiye küchining dunyada tengdishi yoq» serlewhilik xewiride, munu uchurlargha orun ajratti:

türkiyening sherqiy aq déngiz, ege déngizi we qara déngizdiki énérgiye küchi künséri éshiwatidu. abdulhemit xan burghilash paraxotining qoshulushi bilen burghilash paraxotining sanini 4 ke köpeytidi. türkiyening déngizdiki énérgiye charlash küchi dawamliq ashmaqta. türkiye 2 yer tewresh tetqiqat paraxotighimu ige bolup, bu küchi bilen dunyadiki az sandiki döletlerning biri hésablinidu.

«‹star› géziti», «dunya türkiyening roligha merkezleshti» serlewhilik xewiride, birleshken döletler teshkilati (b d t) bash katipi stéfan dujarikning ukraina ashliqini qara déngiz arqiliq yötkesh mesiliside türkiye bilen qoyuq alaqide boluwatqanliqi we yéqindin hemkarlishiiwatqanliqini hemde bu mesilide türkiye armiyesining rolining intayin muhim ikenlikini bildürgenlikini yazdi.

«‹xeber türk› géziti», <Togg> shirkiti bir aptomobildin köp mulazimetlerni sunidu» serlewhilik xewiride, munu uchurlargha orun ajratti:

türkiyening yerlik aptomobil teshebbusi shirketler guruhi <Togg> ning yuqiri derijilik bashqurghuchisi mehmet gurjan qaraqash kéler yili qatnashqa chiqidighan yerlik aptomobil ishlepchiqirishi heqqide eqliy iqtidarliq aptomobil ishlepchiqirishidin halqip téximu köp mulazimet sunushni nishan qilghanliqini,  köchme ékologiyilik sistémining bir qismi süpitide eqliy iqtidarliq yéngi bir üskünini layihilep chiqqanliqini, buning üchün «Togg Smart Life» <tog eqli iqtidarliq türmüsh> dep nam bérilgen mulazimetlerni sunidighanliqini éytti.