14.06.2022

türkiye awazi radiyosi: «hörriyet géziti», türkiye jumhur reisi rejep tayyip erdoghanning tünügün (13-iyun) qara déngiz gazi üchün déngizgha tunji turuba chüshürüsh murasimida söz qilghanda, «2023-yili künlüki 10 milyon kub métir tebiiy gaz sistémigha kiridu» dégenlikini xewer qildi.

«sabah géziti», türkiye tashqi ishlar ministiri mewlüt chawushoghluning tünügün shimaliy qibris türk jumhuriyiti jumhur reisi ersin tatar bilen birlikte ötküzgen axbarat élan qilish yighinida, girétsiye bilen yéqinqi künlerde yüz bergen yirikchilikler üstide toxtalghanliqini xewer qildi.

xewerde, mewlüt chawushoghluning: «heo-hoquqlirimzni qoghdash mesiliside qetiy iradige igimiz. biz özara hemkarliqni qollaymiz, yirikchiliklerning yüz bérishini xalimaymiz. girétsiye qanuniy jehettin jawab bermey, xelqaraliq jemiyetke yighlawatidu. mesililerni muzakire qilish arqiliq hel qilalaymiz» dégenliki qeyt qilindi.

«star géziti», türkiye istatistika idarisining tünügün aprél éyigha (2022) munasiwetlik sanaet ishlepchiqirish reqemlirini élan qilghanliqini xewer qildi.

türkiye istatistika idarisining melumatlirigha asaslanghanda, aprél éyida pesil tesirliri chiqiriwétilgen sanaet ishlepchiqirish indéksi, ötken yilning (2021) oxshash mezgilige sélishturulghanda %10.08 örligen.

«xeber türk géziti», kirodiyede ötküzülgen dunya senet gimnastika chémpiyonluqida, türkiyelik mahiradem asilning bir altun médalgha érishkenlikini xewer qildi.