06.06.2022

 türkiye awazi radiyosi: «türkiye shiwétsiye bilen finlandiyening shimaliy atlantik ehdi teshkilatigha ezaliqini wéto qildi» serlewhilik xewiride, töwendiki uchurlarni oqurmenlirining diqqitige sundi:

jumhur reis rejep tayyip erdoghan, adalet we tereqqiyat partiyesining qiziljahamam seylisi pirogrammisining yépilishida qilghan sözide, shiwétsiye bilen finlandiyening shimaliy atlantik ehdi teshkilatigha ezaliq üchün sunghan iltimasi heqqide toxtalghanda, mundaq dédi: «ular bizning kütken yérimizdin chiqmay turup, bizning shimaliy atlantik ehdi teshkilatining kéngiyishi mesilisige qarita pozitsiyemiz özgermeydu.»

«‹xewer türk› géziti», «altun <térrorizmgha oxshighan bir mesile heqqide söhbet ötküzüsh mumkin emes> dédi» serlewhilik xewiride, jumhur reislik mehkimisi uchur - alaqe ishliri idarisining bashliqi fahrettin altunning, shiwétsiyede chiqidighan «‹ Dagens Nyheter› géziti» ning ziyaritini qobul qilghanda bergen bayanatida, shiwétsiyening shimaliy atlantik ehdi teshkilatigha eza bolush üchün sunghan iltimasi heqqide qilghan «térrorizmgha oxshighan bir mesile heqqide söhbet ötküzüsh mumkin emes. buningdin kéyin yüz béridighan ishlar shiwétsiye hökümitige baghliq. biz shiwétsiyening ichki ishlirigha arilashmaymiz.» dégen sözlirini neqil keltürdi.

«‹yéngi shepeq› géziti», «tashqi ishlar ministirliqi jenubiy qibris rum hakimiyiti bilen israiliyening herbiy maniwérigha naraziliq bildürdi» serlewhilik xewiride, töwendiki uchurlarni oqurmenliri bilen ortaqlashti:

türkiye tashqi ishlar ministirliqining, israiliyening jenubiy qibris rum hakimiyiti bilen aqdéngizda ötküzgen « Agapinor 2022 » namliq herbiy maniwéri heqqide élan qilghan bayanatida, jenubiy qibris rum hakimiyitining rayonning muqimliqini buzush bedilige ötküzgen herbiy maniwérning «semimiyetsizlikning roshen dilili» ikenliki tekitlendi.

«‹sabah› géziti», «dunya soda teshkilati tunji qétim <Turkey> ning ornigha <türkiye> ibarisini ishletti» serlewhilik xewiride, munu uchurlarni oqurmenlirining diqqitige sundi:

birleshken döletler teshkilati chet el tillarda «Turkey» dep ishlitilidighan döletning namini «türkiye» ge özgertishidin kéyin, bu döletning ismi shiwéytsariyening jenwediki dunya soda teshkilatida tunji qétim «türkiye» dep ishlitildi.

«‹star› géziti», «qirghizistandin dalaman ayrodurumigha biwasite uchushlar bashlandi» serlewhilik xewiride, töwendiki uchurlarni oqurmenlirining diqqitige sundi:

 qirghizistandin mughladiki dalaman ayrodurumigha biwasite ayropilan seperliri bashlandi. qirghizistanning bishkek we osh sheherliridin tunji uchushlar ishqa kirishtürüldi. bu dairide, aldimizdiki künlerde heptide 2 bolghan uchush sani 4 ke köpeytilidu.