03.06.2022

türkiye awazi radiyosi: «sabah» géziti: «erdoghan: türkiye alem boshluqi riqabitining eng aldinqi qataridin orun alidu (dédi)» serlewhilik xewiride, jumhur reis rejep tayyip erdoghanning toluq ottura mektep oqughuchilirigha xitab qilip: «söyümlük yashlar, biz alem boshluqi musabiqisige qatnishimiz, hemde eng aldinqi qatarda turimiz» dégenlikini yazdi.

gézitning xewiride körsitilishiche, alem boshluqi riqabitini téknofést (téxnologiye féstiwali) ewladliri bilen alem boshluqi musabiqiside ghelibe qilidighanliqlirini bildürgen erdoghan, buninggha munasiwetlik ul eslihe teyyarliqlirining dawam qiliwatqanliqini tekitligen.

«star» géziti: «türkiye süriye mesiliside amérikagha étiraz bildürdi» serlewhilik xewiride, dölitimiz (türkiye jumhuriyiti) muawin tashqi ishlar ministiri bash elchi sedat önalning, amérika qoshma ishtatlirining birleshken döletler teshkilati (b d t) da turushluq daimiy wekili linda tomas-girinfildqa xitab qilip, bölgünchi térrorluq teshkilati p k k / y p g / p y d ning yalghuz süriyening zémin pütünlükigila emes, türkiyening dölet bixeterlikigimu xewp yetküzüwatqanliqini eskertip, türkiyening térrorluq teshkilatlirigha qarshi zörür tedbirlerni yolgha qoyushni dawamlashturighanliqini bildürgenliki toghrisidiki uchurlargha orun berdi.

«hürriyet» géziti: «stolténbérg, türkiyening endishilirini muzakire qilishimiz kérek (dédi)» serlewhilik xewiride, shimaliy atlantik ehdi teshkilati — nato bash katipi yéns stolténbérgning, türkiyening (térrorluq teshkilatlirini qollighanliqi üchün) shiwétsiye bilen finlandiyening shimaliy atlantik ehdi teshkilati — natogha eza bolushigha bildürgen étirazi toghrisida amérika pirézidénti jo baydin bilen sözleshkenlikini yazdi.

gézitning xewiride körsitilishiche, yéns stolténbérg uchrishishtin kéyin bayanat bérip: «bir nato ittipaqdishi bolghan türkiye bezi endishilirini otturigha qoyghanda, biz nato ichki qismida bu heqte sözliship ortaq yol tépishimiz kérek» dégen.

«yéngi shepeq» géziti: «malayshiya : bizning chégra bixeterlikini öginishimizge bolidighan eng yaxshi dölet türkiye (dédi)» serlewhilik xewiride, malayshiya ichki ishlar ministiri hemze zeynudinning bayanat bérip: «biz türkiyening chégra bashqurushtiki tedbirliridin ilham élip, özimizning kontrol merkizimizni qurmaqchimiz. chünki biz türkiyening chégrada muhim eslihelirining barliqini körduq. türkiye tor jinayetlirige qandaq qarshi turushni, chégrani qandaq qoghdash we bashqurushni öginishimizge bolidighan eng yaxshi dölet» dégenlikini oqurmenliri bilen ortaqlashti.

«weten» géziti: « Turkish Cargo eng téz tereqqiy qiliwatqan hawa yük toshumichiliq markisigha aylandi» serlewhilik xewiride, türkiye awiyatsiye shirkiti (THY) ning awiyatsiye yük markisi bolghan Turkish Cargo, «Stat Trade Times» zhurnili teripidin uyushturulghan murasimda, 2022-yilidiki eng téz tereqqiy qilghan xelqaraliq awiyatsiye toshumichiliqi shirkiti mukapatigha érishkenlikini yazdi.