02.06.2022

türkiye awazi radiyosi: «hörriyet géziti», türkiye jumhur reisi rejep tayyip erdoghanning süriyede herbiy heriket élip bérilidighanliqi toghrisida toxtalghanda: «jenubiy chégralirimizni boylap süriye ichige 30 kilométir uzunluqta bixeter rayon qurush iradimizde yéngi sehipe achimiz. tél rifat bilen münbichni térroristlardin tazilaymiz, arqidin qedemmu qedem bashqa rayonlarnimu tazilaymiz» dégenlikini xewer qildi.

«yéngi shepeq géziti», xitayda chiqidighan «yer shari waqti géziti» de, finlandiye bilen shiwétsiyening natogha eza bolushigha türkiyening qarshi chiqqanliqi toghrsida xewer élan qilinghanliqini bildürdi.

xewerde, finlandiye bilen shiwétsiyening natogha eza bolushigha tosqunluq qilishning, türkiyening emeliy küchini körsitip béridighanliqi qeyt qilindi.

«xeber türk géziti», shiwétsiye bash ministiri magdalénaning dölitining natogha eza bolushi üstide toxtalghanda: «türkiye bilen diyalog dawamlishidu. türkiyening teleplirige biwaste jawab bérimiz. otturidiki xata chüshenchilerni tüzitimiz» dégenlikini xewer eqildi.

«star géziti», amérikada chiqidighan «The Defense Post» gézitining, türkiyening qoralliq uchquchisiz hawa apparatining 2 ming kilométir uchqanliqigha «rékort buzush» dep teqdirligenlikini xewer qildi.

xewerde, bayraktar akinji qoralliq uchquchisiz hawa apparatining tekirtaghning chorlu nahiyesidin kökke kötürülüp, giruziye hawa teweliki arqiliq ezerbeyjan paytexti bakuda ötküzülgen téknofest (TEKNOFEST) yermenkisige qatnishish üchün 2 ming kilométirliq musapini uchup ötüshining, amérikada zor eks sada peyda qilghanliqi qeyt qilindi.

«sabah géziti», dunyada eng köp döletke ayropilan seperliri qiliwatqan türkiye hawa yolliri shirkitining, uchush torini dawamliq kéngeytiwatqanliqini xewer qildi.

xewerde, türkiye hawa yolliri shirkitining jenubiy sudan paytexti jubagha ayropilan sepiri bashlishi bilen, ayropilan sepiri bar dölet sanining 129 gha, ayropilan sepiri nuqtisi sanining 338 ge chiqqanliqi bildürüldi.