31.05.2022

türkiye awazi radiyosi: «xeber türk géziti», türkiye jumhur reisi rejep tayyip erdoghanning «iqtisad zhurnili» da élan qilghan maqaliside, térrorluqni qollawatqan finlandiye bilen shiwétsiyening natogha eza bolushini xeterlik dep qaraydighanliqini bildürgenlikini xewer qildi.

xewerde, rejep tayyip erdoghanning: «shiwétsiye bilen finlandiyening ittipaqdash bolushni xalaydighan döletlerning bixeterlik qayghuliri we sezgürlüki mesiliside namayan qilidighan meydani, türkiyening bu döletlerni qanchilik ittipaqdash süpitide körüshni xalaydighanliqini belgileydu» dégenliki qeyt qilindi.

«hörriyet géziti», türkiye jumhur reisi rejep tayyip erdoghanning rusiye pirézidénti wladimir putin we ukraina pirézidénti wolodimir zélénskiy bilen téléfonda körüshkenlikini xewer qildi.

körüshüshte, ikki terep munasiwetliri, ukraina-rusiye urushini asas qilghan halda dunya yémek-ichmek kirizisi we rayon mesililirining muzakire qilinghanliqi qeyt qilindi.

xewerde, rejep tayyip erdoghanning pikir birliki hasil qilinghan ehwalda qurulush éhtimali bolghan közetküchilik méxanizmida rol oynashqa teyyar ikenliklirini bildrügenliki eskertildi.

«weten géziti», türkiye jumhur reislik mehkimisi bayanatchisi ibrahim kalinning amérika dölet xewpsizlik meslihetchisi jéyk sulliwan (Jake Sullivan) bilen téléfonda körüshkenlikini xewer qildi.

körüshüshte, bölgünchi térrorluq teshkilati p k k|p y d|y p g ning türkiyening dölet bixeterliki we süriyening zémin pütünlükige tehdit peyda qilishni dawamlashturuwatqanliqining eskertilgenliki bildürüldi.

xewerde, türkiyening térrorluq teshkilatlirigha qarshi kürishini qetiy irade bilen dawamlashturidighanliqining tekitlengenliki bildürüldi.

«sabah géziti», rejep tayyip erdoghanning süriyede térroristlargha qarshi yéngi herbiy heriket bashlashtin bésharet bergendin kéyin, rayondiki beshshar esed hakimiyitige qarshi öktichi guruppilarning qollash xewerliri kelgenlikini xewer qildi.