30.05.2022

türkiye awazi radiyosi: «sabah» géziti: «erdoghan térror mesiliside nahayiti éniq ipade bildürüp: bir kéche peytide tuyuqsizla basturup barimiz (dédi)» serlewhilik xewiride, jumhur reis rejep tayyip erdoghanning süriyening shimalidiki bölgünchi térrorluq teshkilati p k k / y p g ge qarshi toyuqsiz élip bérilish éhtimali bolghan herbiy heriket toghrisida toxtilip: «bizning süriyening shimalidin türkiyege qilinidighan kichikkine bir hujumnimu jawabsiz qaldurushimiz mumkin emes, bir kéche peytide toyuqsizla basturup barimiz» dégenlikini yazdi.

«weten» géziti: «tunji köchetni jumhur reis erdoghan tikti» serlewhilik xewiride, jumhur reis erdoghanning, istanbul pethi qilinghanliqi (boysundurulghanliqi)ning 569 – xatire künide türkiyening eng chong, dunyaning beshinchi chong baghchisi bolghan «atatürk ayrodurumi xelq baghchisi»ning köchet tikish paaliyitige qatniship, tunji köchetni tikkenlikige dair uchurlargha orun berdi.

«hürriyet» géziti: «tashqi ishlar ministirliqi: mesjidi eqsagha hujum qilish mewjut tüzümge ochuq - ashkare xilapliq qilish hésablinidu (dédi)» serlewhilik xewiride, türkiye jumhuriyiti tashqi ishlar ministirliqining, mesjidi eqsagha qilinghan hujumlar toghrisida «israiliye parlaménti ezasi itamar bén-gwir bilen ashqun yehudiylarning israiliye saqchilirining qoghdishi astida mesjidi eqsagha basturup kirishi hazirqi tüzümge ochuq xilapliq qilish hésablinidu» dep bayanat élan qilghanliqini yazdi.

«yéngi shepeq» géziti: «papa erdoghanni medhiyelep,  yuqiri baha bérimiz (dédi)» serlewhilik xewiride, türkiyening watikanda turushluq bash elchisi lutfulla göktashning bayanat bérip, jumhur reis erdoghanning ukraina bilen rusiyeni yarashturush yolida namayan qilghan tirishchanliqining, katoliklar diniy dahiysi, shundaqla watikan pirézidénti papa firansiskoning yuqiri bahasigha érishkenlikini uqturghanliqi toghrisidiki uchurlargha orun berdi.

«xabertürk» géziti: «shaziye erdoghan: nishanim olimpik médali  élish (dédi)» serlewhilik xewiride, yawropa chémpiyonluq longqisini talishish musabiqiside 3 altun médalgha érishken dunya chémpiyoni döletlik éghirliq kötürüsh mahiri shaziye erdoghanning: «men médallirimgha yene bir médalni qoshushni xalaymen؛ olimpik médali her bir tenheriketchining arzusi» dégen sözlirige orun berdi.