23.05.2022

türkiye awazi radiyosi: «sabah» géziti: «türkiyening nato naraziliqi amérika metbuatlirida» serlewhilik xewiride, türkiyening sikandinawiye döletliri — shiwétsiye bilen finlandiyening shimaliy atlantik ehdi teshkilati — natogha eza bolush iltimasini ret qilip, özining shertlirini otturigha qoyushining dunyada küchlük tesir peyda qilghanliqini yazdi.

gézitning xewiride körsitilishiche,  amérikaning «Hill» géziti, amérika kéngesh palata ezasi bén kardinning, türkiyening (rusiye – ukraina) urushi jeryanida nahayiti aqilane heriket qilghanliqini tekitlep: «türkiye bilen yaxshi munasiwet ornitish biz üchün paydiliq» dégenlikini oqurmenliri bilen ortaqlashqan.

«yéngi shepeq» géziti: «tashqi ishlar ministiri chawushoghlu israiliyege baridu» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghluning 25-may charshenbe küni israiliyege baridighanliqi, bu ziyaretning aridin 15 yil ötkendin kéyin türkiyedin israiliyege qilinghan tunji tashqi ishlar ministiri derijilik ziyaret bolidighanliqi toghrisidiki uchurlarni oqurmenlirining diqqitige sundi.  

«star» géziti: «ministir kojaning <maymun chéchiki késelliki> bayanati» serlewhilik xewiride, sehiye ministiri fahrettin kojaning, maymun chéchiki késelliki toghrisida toxtilip: «haywanlarda körülidighan, bezide insanlarghimu yuqidighan bu késellik bir tarqilishchan késellikni keltürüp chiqarmaydu» dégenlikini yazdi.

«xabertürk» géziti: «türkiyening bironéwiki <yörük> tunji wezipisini afriqada bashlidi» serlewhilik xewiride, türkiye mudapie sanaiti dairiside yasap chiqilghan yene bir quruqluq bironiwék aptomobilining tunji emeliy wezipisini bashlighanliqini yazdi

gézitning xewiride körsitilishiche, 4X4 yörük bironiwéki üchün töt dölet bilen toxtam imzalighan nurol makina shirkiti, mezkur bironiwék aptomobillarni tunji bolup chadqa tapshurghan.

«hürriyet» géziti» géziti: «waqifbank komandisi yawropa walibol chémpiyonluqni talishish birleshmisining chémpiyoni boldi» serlewhilik xewiride, türkiye we dunya chémpiyoni bolghan waqifbank komandisining, yawropa walibol chimpéyonluqni talishish musabiqisining hel qilghuch musabiqsiide imoko wolléy komandisini 1 ge qarshi 3 nomur bilen yéngip, komanda tarixida beshinchi qétim yawropa chémpiyonluq birleshmisi chémpiyoni bolghanliqini yazdi.