17.05.2022

türkiye awazi radiyosi: «star géziti», türkiye jumhur reisi rejep tayyip erdoghan bilen enqerege resmiy dölet ishliri ziyaritide bolush üchün kelgen aljiriye pirézidénti abdulmejidning huzurida, türkiye-aljiriye munasiwetlirini kücheytidighan kanchiliq, muhit, maarip, medeniyet we mudapie sanaiti saheliri boyiche tüzülgen 15 kélishimning imzalanghanliqini xewer qildi.

«xeber türk géziti», jumhur reis rejep tayyip erdoghanning natogha eza bolushni telep qilghan finlandiye bilen shiwétsiyening térrorluqqa qarshi pozitsiyesining éniq emeslikini eskertip: «yene kélip bizge émbargo yürgüzgenlerni qolliyalmaymiz» dégenlikini xewer qildi.

«hörriyet géziti», türkiye tashqi ishlar ministiri mewlüt chawushoghluning nato bash katipi stolténbérg bilen téléfonda körüshkenlikini xewer qildi.

xewerde, nato bash katipining bu heqte bayanat élan qilip: «türkiye intayin muhim ittipaqdash dölet. shunga, her qandaq bixeterlik endishesi hel qilinishi lazim» dégenliki qeyt qilindi.

«yéngi shepeq géziti», türkiye natogha eza bolushigha qizghin qarimighan shiwétsiyede, bölgünchi térrorluq teshkilatini qollash namayishlirining dawamlishiwatqanliqini xewer qildi.

«sabah géziti», türkiye hawa yolliri shirkitining töwen qanitining markisi hésablinidighan anadolu zétning istanbul sebiha gökchen ayrodurumidin italiyening milano ayrodurumigha ayropilan seperlirini bashlighanliqini xewer qildi.

xewerde, heptide yette kün istanbul sebiha gökchen ayrodurumidin milanogha ayropilan seperlirining barliqi qeyt qilindi.