12.05.2022

«‹yéngi shepeq› géziti», «erdoghanning tenterbiyechi teripi ijtimaiy alaqe torida kishilerning alahide diqqitini qozghidi» serlewhilik xewiride, jumhur reis rejep tayyip erdoghanning 16 yil ilgiri awistiriyening tenterbiye zalida putbol oynighanliqigha dair körünüshlerni ijtimaiy alaqe hésabida hembehirligenlikini, uchurning qisqa waqit ichidila onminglighan yaqturushqa érishkenlikini, aldinqi künimu erdoghanning jumhur reislik sariyida qazaqistan pirézidénti qasim jomért tokayéw bilen ténnis top oynighanliqi we ikki rehberning xushxuy keypiyati ijtimaiy alaqe torida tézla tarqalghanliqini yazdi.

«‹höriyet› géziti», «chataqli: <chégra halqighan heriket köchmenler mesilisini yénikletti> dédi» serlewhilik xewiride, munu uchurlargha orun ajratti:

muawin ichki ishlar ministiri we ichki ishlar ministirliqi bayanatchisi ismail chataqli türkiyening süriyening shimalidiki térorluq teshkilatlirigha qarshi chégra halqighan herikiti bilen köchmenler dolquni mesilisining yéniligenlikini éytti. chataqli firat qalqini herikiti bilen 1 milyon 300 ming süriyelik, zeytun shéxi herikiti bilen 550 ming, tinchliq qalqini herkiti bilen 300 ming, bahar qalqini herikiti bilen 4 milyon süriyelikning öz wetinide qilishi ishqa ashqanliqini bildürdi.

«‹weten› géziti», «qoralliq uchquchisiz ayropilan baraqtar t b 2 ning qabiliyiti yaxshi» serlewhilik xewiride, türkiyening qoralliq uchquchisiz ayropilani sihaning keshpiyatchisi, bayraqtar téxnika shirkitining rehbiri selchuq bayraqtarning hazirgha qeder 20 nechche dölet bilen siha éksport qilish kélishimi imzalighanliqini, 13 dölettte sihalarning ishlitiliwatqanliqini, bayraqtar t b 2 ning yuqiri iqtidargha ige qoralliq uchquchisiz ayropilan ikenlikini, selchuk bayraqtarning yéngidin tereqqiy qildurulghan bayraqtar t b 3 ning uchush yoli qisqa qisqa we déngiz supilrigha qonush we uchush iqtidarigha ige dunyadiki tunji qoralliq uchquchisiz ayropilan bolidighanliqini élan qilghanliqini yazdi.

«‹sabah› géziti», «türkiye sherqiy aq déngizda yéngi burghilash xizmitini bashlaydu» serlewhilik xewiride, munu uchurlargha orun ajratti:

türkiyening fatih, qanuni we yawuzdin kéyinki 4 - burghilash paraxoti aq déngizda türkiyege qarap yolini dawamlashturmaqta. 19 - mayda mérsingha yétip baridighan bu burghilash paraxoti bu yil yazda sherqiy aq déngizda néfit we tebiiy gaz izdeydu. shundaq qilip türkiye sherqiy aq déngizda yéngi bir burghilash xizmitini bashlighan bolidu.

«‹xeber türk› géziti», «türkiyening sayahetchiliktiki bu yilliq nishani 42 milyon sayahetchi» serlewhilik xewiride, medeniyet we sayahet ishliri ministiri mehmet nuri ersoyning sayahetchilikte türkiyening ötken yili 30 milyon sayahetchige yétip, 24 milyard 500 milyon dollar kirim qilghanliqini, bu yil 42 milyon sayahetchi bilen 35 milyard dollar kirim qilishni nishan qilghanliqini bildürgenlikini yazdi.