10.05.2022
bügünki türkiye metbuatliridin tallap teyyarlighan muhim xewerlirimizning qisqiche mezmunliri töwendikiche:
türkiye awazi radiyosi: «xeber türk géziti», türkiye jumhur reisi rejep tayyip erdoghanning, dunya we rayon, urush, toqunush, siyasiy-iqtisadiy kirizis we ijtimaiy dawalghushning bésimida azapliq bir dewrni bashtin kechürüwatqan waqitta, türkiyening yolidin chetnimigen halda ilgiriligenlikini éytqanliqini xewer qildi.
xewerde, rejep tayyip erdoghanning: «hazir her sahede put dessep turalaydighan, barliq dostlirigha we qérindashlirigha yardem qilalaydighan türkiye bar. büyük we küchlük türkiye qurush ishlirini qedemmu qedem ijra qiliwatimiz» dégenliki qeyt qilindi.
«hörriyet géziti», türkiye jumhur reisi rejep tayyip erdoghanning seudi erebistan weliehdi shahzadisi muhemmed bin selman bilen téléfonda körüshkenlikini xewer qildi.
xewerde, rejep tayyip erdoghanning salametliki sewebidin doxturxanida yétiwatqan padishah selman bin abdulezizning ehwali toghrisida melumat alghandin kéyin, sewr tileklirini yetküzgenliki bildürüldi.
xewerde yene, türkiye-seudi erebistan munasiwetliri we rayon mesililirining muhakime qilinghanliqi qeyt qilindi.
«star géziti», shiwéytsariyening basél shehiride 8-may (2022) ötküzülgen 23-aprél xelqara balilar bayrimi paaliyetliride, ishtirakchilargha hujum qilip alte kishini yarilandurghan bölgünchi térrorluq teshkilati p k k ning qollighuchiliridin besh kishining tutulghanliqini xewer qildi.
«yéngi shepeq géziti», türkiye dölet mudapie ministirliqining twittér bétide hembehirlengen uchurda, térrorluqqa qarshi küreshning qetiylik bilen dawamlishidighanliqining tekitlengenlikini xewer qildi.
uchurda mundaq déyilgen:
«héchkim endishe qilmisun. yawropaning otturisida balilarghimu hujum qilidighan peskesh bowaq qatillirigha layiq jazani, biz özimiz qorqqinidin mökünüwalghan uwilirighiche apirimiz. yigitlirimiz kichik balilarni qayghugha sélishqa urunghan térrorluq teshkilati p k k térroristlirigha zerbe bérishni dawamlashturidu.»
«sabah géziti», yéza igiliki we orman ministirliqi déngiz mehsulatliri idarisining muawin bashliqi mehmet nuri yilmazning, türkiyening déngizi we ichki quruqluq su menbeliri bilen déngiz mehsulatliri ishlepchiqirish nuqtisidin muhim yoshurun küchke ige ikenlikini éytqanliqini xewer qildi.
xewerde, mehmet nuri yilmazning, «türkiye ötken yili 106 döletke déngiz mehsulatliri éksport qildi» dégenliki qeyt qilindi.
مۇناسىۋەتلىك خەۋەرلەر
20.05.2024
bügünki türkiye metbuatida orun alghan bezi muhim xewerlerning qisqiche mezmunliri töwendikiche:
