06.05.2022

türkiye awazi radiyosi: «sabah géziti», türkiye jumhur reisi rejep tayyip erdoghanning tünügün (5-may) firansiye pirézidénti makron bilen téléfonda körüshkenlikini xewer qildi.

körüshüshte, türkiye-firansiye munasiwetlirini tereqqiy qilduridighan qedemlerning bésilishi, ukraina-rusiye urushi we rayon mesililirining muzakire qilinghanliqi bildürüldi.

«hörriyet géziti», soda ministiri mehmet mushning tünügün (5-may) bayanat élan qilip, «aprél éyida ékportimiz ötken yilning oxshash mezgilige sélishturulghanda %24.6 éship 23.4 milyard dollargha yetti. bu reqem barliq mezgillerning eng yuqiri éksport reqimi bolush alahidilikige ige» dégenlikini xewer qildi.

«star géziti», türkiyede yasalghan we wezipe öteshke bashlighan «T-70» qara bürküt tik ucharining amérikadiki wértikal uchush jemiyitining 2022-yilliq xelqaraliq léonardo mukapatigha érishkenlikini xewer qildi.

«yéngi shepeq géziti», türkiyening mawi wetende tebiiy gaz tekshürüsh xizmetliri süritining  fatih, oruch reis, qanuni qatarliq paraxotlar bilen téximu tézleshkenlikini xewer qildi.

«xeber türk géziti», dénizlining közge körüngen sayahet merkizi pamuqqelege, bu yilning (2022) deslepki töt éyida 240 ming yerlik we chet ellik sayahetchining kelgenlikini xewer qildi.