22.04.2022

türkiye awazi radiyosi: «hörriyet» géziti: «erdoghan: turkowak milyonlighan kishiige shipaliq menbesi bolmaqta (dédi)» serlewhilik xewiride, jumhur reis rejep tayyip erdoghanning, türkiyening yuqum mezgilide eng bashta waksinigha érishken az sandiki döletlerning biri bolghanliqini, shuning bilen bir waqitta, özining yerlik waksini turkowakni tereqqiy qildurup, özining dunyadiki ornini téximu mustehkemligenlikini éytqanliqini yazdi.

gézitning xewiride körsitilishiche, erdoghan: «turkowak dunyaning oxshimighan bulung - puchqaqliridiki milyonlighan kishige shipaliq menbesi bolmaqta» dégen.

«sabah» géziti: «<penche – qulup> térrorning bélini sundurdi. nöwet qandilgha keldi» serlewhilik xewiride, iraqning shimalidiki bölgünchi térrorluq teshkilati p k k gha qarshi bashlanghan <penche – qulup> zerbe bérish herikiti arqiliq térrorluq teshkilatini bir bulunggha qistighan türkiye armiyesining algha ilgirileshni dawamlashturuwatqanliqi, buningdin kéyinki nishanining teshkilatning atalmish ​​bash merkizi qandil we gara rayoni ikenliki toghrisidiki uchurlarni oqurmenlirining diqqitige sundi.

«xabertürk» géziti: «aqar: meqsitimiz térrorluqni uwisida yoqitish (dédi)» serlewhilik xewiride,

dölet mudapie ministiri xulusi aqarning, p k k gha qarshi bashlanghan <penche – qulup> zerbe bérish herikitining térrorni uwisida yoqitishni meqset qilidighanliqini bildürüp: «biz iraqni öz ichige alghan barliq qoshnilirimizning zémin pütünlüki, musteqilliqi we igilik hoquqigha hörmet qilimiz» dégenlikini yazdi.

«yéngi shepeq» géziti: «türkiye iraqqa ultimatom tapshurdi» serlewhilik xewiride, (türkiye jumhuriyiti) tashqi ishlar ministirliqi bayanatchisi tanju bilgichning bayanat bérip, iraq dairilirining (türkiyening) «penche - qulup» zerbe bérish herikitige alaqidar bayanatlirining enqereni biaram qilghanliqi heqqide iraqning enqerede turushluq elchixanisi mesullirigha ultimatom tapshurulghanliqigha isharet qilip: «meqsitimiz ministirliqimizgha chaqirilghan iraqning enqerediki elchixanisi mesullirigha yetküzüldi we ulargha köz qarishimizni öz ichige alghan bir ultimatom tapshuruldi» dégenlerni qeyt qilghanliqini yazdi.

«star» géziti: «dunya <qizilelma mius>ni yéqindin közetmekte» serlewhilik xewiride, pütün dunyaning yéngi ewlad téxnikisi bilen türkiyening küchige küch qoshqan «bayraqtar qizilelma» namliq uchquchisiz jeng ayropilani sistémisi (MİUS - mius)ni yéqindin közitiwatqanliqini, uning töwen radar izi sayisida qiyin wezipilerni muweppeqiyetlik orundiyalaydighanliqini, hawada 5 saet turushini kapaletlendürüsh nishan qilinghan «qizil alma»ning 2023- yili tunji uchushini ishqa ashurushining pilanliniwatqanliqini yazdi.