20.04.2022

 türkiye awazi radiyosi: «‹höriyet› géziti», «jumhur reis erdoghan hérzog bilen téléfonlashti» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan, tünügün israiliye pirézidénti yitzaq hérzog bilen téléfonlashti. ikki rehberning téléfon söhbitide, mesjidi eqsada ibadet qilghanlargha qaritilghan hujum, rayonluq özgirishler we ikki terep munasiwetliri heqqide muzakire élip bérildi.

«‹star› géziti», chawushoghlu, <bu küreshni qilishni mejburiyitimiz bar> dédi» serlewhilik xewiride, munu uchurlargha orun ajratti:

tashqi ishlar ministiri mewlüt chawushoghlu, tünügün «penje – qulup» herbiy herikiti heqqide élan qilghan bayanatida, «eger chégra liniyelirimizning sirtida térrorchilargha qarshi küresh qilmisaq, ete – ögün öz térrotériyelirimizde bu térrorchilargha qarshi urush qilishqa mejbur bolimiz. shunga, bu küreshni qilishni mejburiyitimiz bar» dédi.

«‹sabah› géziti», «aqar ‹penje – qulup› herbiy herikiti heqqide bayanat élan qildi» serlewhilik xewiride, dölet mudapie ministiri xulusi aqarning, tünügün «penje – qulup» herbiy herikiti heqqide élan qilghan bayanatida, «‹penje – qulup› herbiy herikiti arqiliq térrorchilarning uwilirining qulupliri bir - birlep chéqilmaqta. bu herbiy heriket sayisida, bölgünchi térrorluq teshkilati p k k ning yimirilishi tézleshti, kattibashliri teripidinmu térrorluq teshkilatining parchilinish we yimirilish basquchini bashtin kechürüwatqanliqi ochuq – ashkara halda ipadilinishke bashlidi.» dégenlikini oqurmenlirining diqqitige sundi.

«‹weten› géziti», «ministir mush, <dölitimiz wéngiriyede 700 milyon dollarliq meblegh sélishni oylishiwatidu> dédi» serlewhilik xewiride, töwendiki melumatlargha orun ajratti:

soda ministiri mehmet mush, türkiyening wéngiriyede meblegh sélish pilani heqqide élan qilghan bayanatida, mundaq dédi: «dölitimiz wéngiriyede 700 milyon dollarliq meblegh sélishni oylishiwatidu. nöwette dawamlishiwatqan we aldimizdiki mezgilde ishqa ashurulushi pilanliniwatqan sélinmilar bilen birlikte omumiy sélinmining 3 milyard dollardin éshishini mölcherlewatimiz.»

«‹xewer türk› géziti», «türkiye hawa yolliri shirkiti merkizi biraziliyediki GOL guruhi bilen ortaq uchush kélishimi tüzdi» serlewhilik xewiride, munu uchurlarni  oqurmenlirining diqqitige sundi:

türkiye hawa yolliri shirkiti bilen merkizi biraziliyediki GOL Linhas Aereas guruhi, ortaq uchush kélishimi tüzdi. ikki shirket, imzalanghan bu kélishim dairiside, ortaq ayropilan seperlirini ishqa ashuridu.