18.04.2022

türkiye awazi radiyosi: «star» géziti: «erdoghan pelestinni qollaydighanliqlirini bildürüp, <biz hemishe siler bilen birge (dédi)» serlewhilik xewiride, jumhur reis rejep tayyip erdoghanning pelestin dölet reisi mehmud abbas bilen téléfonlashqanliqi toghrisida ijtimaiy taratqudiki adrésida uchur hembehrilep: «söhbitimiz jeryanida, men abbas ependige israiliyening elqesa mesjidide ibadet qiliwatqanlargha qilghan mudaxilisini qattiq eyibleydighanliqimni, hemde eleqsa mesjidining salahiyiti shundaqla meniwi ornigha qilinghan ighwagerchilik we tehditke qarshi turidighanliqimizni bildürdüm. türkiye ezeldin pelestinning teripide (turup keldi)» dégenlikini oqurmenliri bilen ortaqlashti

«sabah» géziti: «barliq terepler istanbul musapisini qollishi kérek» serlewhilik xewiride, jumhur reis erdoghanning birleshken döletler teshkilati bash katipi antoniyo gutérrés bilen téléfonliship, quddusta yüz bergen weqeler we rusiye  - ukraina urushini öz ichige alghan rayonluq özgirishler toghrisida sözleshkenlikini, söhbet jeryanida erdoghanning, ukraina mesiliside barliq tereplerning istanbul musapisini qollishi kéreklikini otturigha qoyghanliqini yazdi.

«hörriyet» géziti: «rusiye erdoghanning rolini tekitlidi» serlewhilik xewiride, rusiye dölet mudapie ministirliqi bayanatchisi igor konashénkofning, jumhur reis erdoghanning telipige binaen, mariypoldiki meschitte qapsilip qalghanlarning qutquzulup, bixeter jaygha yötkelgenliki toghrisidiki uchurlargha orun berdi.

«yéngi shepeq» géziti: «<bayraqtar t b 2> TB2 firansiyening radarida» serlewhilik xewiride, firansiye armiyesining kelgüside «yuqiri sijilliqtiki toqunushlar»da meghlup bolushining aldini élish üchün, kéngesh palatasida <bayraqtar t b 2> ge oxshash qoralliq uchquchisiz hawa apparatlirini ishlepchiqirishni bashlash toghrisida pikir otturigha qoyulghanliqini yazdi.

«weten» géziti: «sayahetchilerning antalyagha yüzlinishi» serlewhilik xewiride, 2020 - yili pasxa bayriminimu öz ichige alghan aprél éyida bu sheherge 905 adem kelgen bolsa, bu sanning 2022 – yilining aprél éyi axirlashmay turup 300 minggha yetkenlikini؛ antalya sheherlik hökümet kéngishi sayahet xizmet guruppisi bashliqi rejep yawuzning, 2021 – yilining aprél éyidiki sayahetchiler omumiy sanining 178 ming ikenlikini xatiriletken halda: «bu yil 1 – apréldin 15 – aprélghiche bolghan jeryanda (sayahetchi sani) bulturqidin bir hesse köpeydi. bizning ay axiridiki mölcherimiz 600 ming, bashqiche éytqanda, bulturqi aprél éyini tötke qatlashni ümid qiliwatimiz» dégenlikini oqurmenliri bilen ortaqlashti.